IPL Opening Ceremony: મેચ પહેલા ઓપનિંગ સેરેમની યોજાશે, આ વિશે IPL એ પુષ્ટિ કરી છે કે સિંગર અરિજીત સિંહ અને અભિનેત્રી તમન્ના ભાટિયા આ ઓપનિંગ સેરેમનીમાં ભાગ લેશે.
અરિજીત સિંહ અને તમન્ના ભાટિયા ઓપનિંગ સેરેમનીમાં પરફોર્મ કરશે
IPL Opening Ceremony : 31 માર્ચના રોજથી ઇન્ડિયન પ્રીમિયર લીગના 16માં સિઝનની શરુઆત થવા જઇ રહી છે. આ લીગનો ક્રિકેટના ચાહકો આતુરતાથી રાહ જોઇ રહ્યા હતા. પહેલી મેચ ચેન્નઇ સુપર કિંગ્સ અને ગુજરાત ટાઇટંસની વચ્ચે રમાવાની છે. છેલ્લા સિઝનની વિજેતા ટીમ ગુજરાત ટાઇટંસ અને મહેન્દ્ર સિંહ ધોનીની કેપ્ટનવાળી ચેન્નઇ સુપર કિંગ્સની વચ્ચે ઓપનિંગ જબરદસ્ત ટક્કર જોવા મળશે. આ મેચ અમદાવાદના નરેન્દ્ર મોદી સ્ટેડિયમમાં રમાશે.
અરિજીત સિંહ અને તમન્ના ભાટિયા ઓપનિંગ સેરેમનીમાં પરફોર્મ કરશે
મેચ પહેલા ઓપનિંગ સેરેમની યોજાશે. બીસીસીઆઈએ આ માટે ખાસ તૈયારી કરી છે, આ દરમિયાન બોલિવૂડના ઘણા સ્ટાર્સ આવી પરફોર્મ કરવાના છે. જણાવી દઈએ કે IPL એ પુષ્ટિ કરી છે કે સિંગર અરિજીત સિંહ અને અભિનેત્રી તમન્ના ભાટિયા આ ઓપનિંગ સેરેમનીમાં ભાગ લેશે. નોંધનીય છે કે 2019 પછી આ પ્રથમ વખત છે જ્યારે BCCI ચાહકો માટે IPL ઓપનિંગ સેરેમનીનું આયોજન કરવા જઈ રહ્યું છે.
Get ready to rock & roll! 🎶
To celebrate the biggest cricket festival, @arijitsingh will be performing LIVE during the #TATAIPL Opening Ceremony at the biggest cricket stadium in the world - Narendra Modi Stadium! 🏟️
સાંજે 6 વાગ્યે ઓપનિંગ સેરેમની યોજાશે
IPL એ બુધવારે (29 માર્ચ) ટ્વીટ કરીને તમન્ના ભાટિયાની ઓપનિંગ સેરેમનીમાં ભાગ લેવા વિશે માહિતી આપી હતી. સાથે જ IPL એ પણ માહિતી આપી હતી કે 31 માર્ચે સાંજે 6 વાગ્યે ઓપનિંગ સેરેમની યોજાશે. ત્યાર બાદ સાત વાગ્યે ટોસ થશે અને ત્યારબાદ સાડા સાત વાગ્યાથી પહેલી મેચ રમાશે. ઓપનિંગ સેરેમની અને મેચોનું સ્ટાર સ્પોર્ટ્સ ઈન્ડિયા પર લાઈવ ટેલિકાસ્ટ થશે.
Join @tamannaahspeaks in the incredible #TATAIPL Opening Ceremony as we celebrate the biggest cricket festival at the biggest cricket stadium in the world - Narendra Modi Stadium! 🏟️ 🙌
ફેન્સ ખૂબ જ ઉત્સાહિત
IPL 2023ની ઓપનિંગ સેરેમનીમાં બોલિવૂડના દિગ્ગજ સિંગર અરિજીત પોતાના ગીતો દ્વારા ચાહકોનું મનોરંજન કરશે અને આ સિવાય સાઉથની અભિનેત્રી તમન્ના ભાટિયા પણ પરફોર્મ કરતી જોવા મળશે. BCCI દ્વારા કરવામાં આવેલી આ જાહેરાત બાદ ફેન્સ ખૂબ જ ઉત્સાહિત થઈ ગયા છે.
એક મીડિયા રિપોર્ટ્સ અનુસાર આ ઓપનિંગ સેરેમનીમાં બોલિવૂડ એક્ટ્રેસ કેટરિના કૈફ, રશ્મિકા મંદન્ના અને એક્ટર ટાઈગર શ્રોફ પણ જોવા મળી શકે છે.
ઉલ્લેખનીય છે કે હાલમાં જ રમાયેલી વુમન્સ પ્રીમિયર લીગ 2023માં BCCI દ્વારા ઓપનિંગ સેરેમનીનું પણ આયોજન કરવામાં આવ્યું હતું, જેમાં પંજાબી ગાયકો એપી ઢીલ્લોન, કીર્તિ સેનન અને કિયારા અડવાણીએ ઓપનિગ સેરેમનીમાં પરફોર્મ કર્યું હતું.