બોલિવૂડ એક્ટ્રેસ શિલ્પા શેટ્ટીએ તેના જીવનનો સૌથી મોટો નિર્ણય લીધો છે. તેણે માંસાહાર છોડીને સંપૂર્ણ રીતે શાકાહારી બનવાનો નિર્ણય લીધો છે. એક્ટ્રેસે સોશિયલ મીડિયા પર એક વીડિયો શેર કરીને આ અંગે જાણકારી આપી છે. આ વીડિયોમાં શિલ્પા શેટ્ટી તેના દિકરા વિઆન સાથે ખેતરમાં શાકભાજી લેતી જોવા મળે છે.
શિલ્પા શેટ્ટીએ લીધો મોટો નિર્ણય
એક્ટ્રેસે સોશિયલ મીડિયા પર એક વીડિયો શેર કર્યો છે
શિલ્પાએ સંપૂર્ણ રીતે માંસાહાર છોડી દીધું છે
પોસ્ટમાં શિલ્પાએ લખ્યું- આ પરિવર્તન લાવવું તેના માટે ઘણું જ મુશ્કેલ હતું અને એક સમયે તેનું લાગતું હતું કે શાકાહારી બનવું અશક્ય છે. જોકે, તે પોતાના નિર્ણયમાં મક્કમ રહી હતી અને હવે મેં સંપૂર્ણ રીતે શાકાહાર અપનાવી લીધો છે.
શિલ્પાએ આગળ લખ્યું- શરૂઆતમાં હું પર્યાવરણમાંથી કાર્બન ફુટપ્રિન્ટ્સ ઓછું કરવા માગતી હતી. આટલા વર્ષોમાં મને એ વાત સમજાઈ કે ખોરાક માટે પશુઓને ઉછેરવાથી માત્ર જંગલોનો નાશ જ નથી થતો પરંતુ પર્યાવરણમાં ઝેરી વાયુઓ જેવા કે કાર્બન ડાયોક્સાઈડ, મિથેન તથા નાઈટ્રોસ ઓક્સાઈડ પણ ફેલાય છે. આ વાયુઓ ક્લાઈમેટ ચેન્જ માટે જવાબદાર છે.
શિલ્પાએ આગળ લખ્યું- શાકાહારી બનવાથી માત્ર પશુઓનો જ ફાયદો નથી થતો પરંતુ આપણે હૃદયરોગ, ડાયાબિટીશ, સ્થૂળતા તથા અન્ય ગંભીર રોગોથી પણ બચી શકીએ છીએ. આટલું જ નહીં શાકાહારી હોવાને કારણે આપણે કાર્ડિયોવસ્ક્યુલર હેલ્થ પર વધુ ધ્યાન આપી શકીએ છીએ. આપણાં સ્વાસ્થ્ય તથા પૃથ્વીના સ્વાસ્થ્ય માટે આ સૌથી સારો નિર્ણય છે. હું પ્રકૃતિને શક્ય તેટલું પાછું આપવા માગું છું, આ મારી પોતાની પસંદગી છે.