બોલિવૂડના કિંગ ખાન છેલ્લા ઘણા સમયથી ફિલ્મોથી દૂર છે. એવામાં લોકો શાહરૂખ ખાનની આગામી ફિલ્મ માટે આતુર થઇ રહ્યા છે ત્યારે મીડિયા રિપોર્ટમાં શાહરૂખ ખાનની આગામી ફિલ્મો વિશે દાવો કરવામાં આવ્યો છે. મુંબઈમાં લાંબા સમય બાદ ફિલ્મોની શૂટિંગ માટે છૂટ મળવા જઈ રહી છે ત્યારે ઘણા બધા નવા પ્રોજેક્ટ પર કામ પણ શરુ થઇ ગયું છે ત્યારે શાહરૂખ ખાન પણ પોતાની નવી ફિલ્મની જાહેરાત કરી શકે છે.
અહેવાલો અનુસાર શાહરૂખ ખાન રાજકુમાર હીરાની સાથે આગામી ફિલ્મ કરશે
બે વર્ષ બાદ પડદાં પર કમબેક કરશે કિંગ ખાન
બ્રહ્માસ્ત્ર અને રોકેટરીમાં પણ દેખાશે શાહરૂખ ખાન
મુંબઈમાં લાંબા સમય બાદ ફિલ્મોની શૂટિંગ માટે છૂટ મળવા જઈ રહી છે. એવામાં નવા પ્રોજેક્ટ પર કામ પણ શરુ થઇ ગયું છે જેમાં બોલિવૂડથી જોડાયેલી મોટી માહિતીઓ સામે આવી રહી છે. બોલિવૂડનો કિંગ ખાન બે વર્ષના અંતરાલ બાદ ધમાકેદાર વાપસી કરી શકે છે. જોકે તેની હજુ સુધી કોઈ આધિકારિક જાણકારી આપવામાં આવી નથી પરંતુ શાહરૂખ ખાનના નવા રોલ વિશે પણ વિવિધ રિપોર્ટમાં દાવો કરવામાં આવી રહ્યો છે.
નોંધનીય છે કે શાહરૂખ ખાન છેલ્લા ઘણા સમયથી બોક્સ ઓફીસથી દૂર છે. વર્ષમાં 2018માં આવેલ ઝીરો ફિલ્મ બાદ તેમણે કોઈ જ ફિલ્મમાં કામ કર્યું નથી. જેના કારણે કિંગ ખાનના ચાહકો પણ ઘણા આતુર થઇ રહ્યા છે અને શાહરૂખ ખાન હવે કઈ ફિલ્મ કરશે તેના પર સોશિયલ મીડિયામાં હેશટેગ પણ ટ્રેન્ડ કરાવવામાં આવે છે. ત્યારે ઘણા બધા અહેવાલોમાં દાવો કરવામાં આવ્યો છે કે શાહરૂખ ખાન રાજકુમાર હીરાની સાથે આગામી ફિલ્મ કરશે. અને શાહરૂખ પોતે જ તેની જાહેરાત પણ કરી શકે છે. આ દાવાઓ તો ચાલુ જ હતા ત્યાં વધુ એક ફિલ્મ વિશે દાવો કરવામાં આવી રહ્યો છે.
હવે મીડિયા રિપોર્ટમાં દાવો કરવામાં આવ્યો છે કે શાહરૂખ ખાન આર માધવન સાથે ફિલ્મ રોકેટરીમાં કામ કરી શકે છે પણ તેમાં માત્ર કેમિયો રોલ જ હશે. આ ફિલ્મ ઇસરોના જાણીતા રોકેટ સાયન્ટિસ્ટ નામ્બી નારાયણનની બાયોપિક છે. આ ફિલ્મમાં શાહરૂખ એક જર્નાલિસ્ટની ભૂમિકામાં દેખાશે જે નામ્બી નારાયણનો ઇન્ટરવ્યુ કરે છે અને વાર્તા ફ્લેશબેકમાં જાય છે.
અહેવાલો અનુસાર શાહરૂખ ખાન યાન મુખર્જીની ફિલ્મ બ્રહ્માશ્ત્રમાં એક નાનકડા પાત્રમાં દેખાશે. રણબીર કપૂર, આલિયા ભટ્ટ અને અમિતાભ બચ્ચન મુખ્ય ભૂમિકાઓ ભજવી રહ્યા હોય તેવી બ્રહ્માસ્ત્રમાં શાહરૂખ ખાન વૈજ્ઞાનિકના રોલમાં જોવા મળશે.