મુંબઈમાં આ અઠવાડિયું ખૂબ જ દુઃખદ રહ્યું છે. સતત 2 દિવસ અને ફિલ્મ ઈન્ડસ્ટ્રીએ 2 દિગ્ગજ કલાકારો અભિનેતા ઈરફાન ખાન અને ઋષિ કપૂરને ગુમાવ્યા છે. 29 એપ્રિલે ઈરફાન ખાનનું નિધન અને 30 એપ્રિલે ઋષિ કપૂરનું નિધન. બંને અભિનેતાઓ કેન્સર સામેની લડત હાર્યા હતા. અનેક ફિલ્મોમાં પણ આ બંને અભિનેતાઓએ સાથે કામ કર્યું હતું. એક સમયે ઋષિ કપૂર માટે ઈરફાન ખાને કહ્યું હતું કે ઋષિ કપૂરની સાથે કામ કરવું મારું સપનું પૂરું કરવા જેવું છે. આ એ સપનું છે જેને વિશે મેં ક્યારેય વિચાર્યું પણ ન હતું.
ફિલ્મ જગતના 2 દિગ્ગજ નેતાનું નિધન
ઋષિ કપૂરની સાથે કામ કરવું મારું સપનું પૂરું કરવા જેવુંઃ ઈરફાન ખાન
બંને દિગ્ગજ કલાકારોએ 'ડી ડે' ફિલ્મમાં સાથે કર્યું હતું કામ
ઈરફાન ખાને કહ્યા હતા આ શબ્દો
આજે ઈરફાન ખાન અને ઋષિ કપૂર બંને અભિનેતાઓ આપણી વચ્ચે નથી ત્યારે આ શબ્દો તમારી આંખો ભીંજવી દેશે. ઇરફાન ખાને ફિલ્મ સાથે જોડાયેલી વાર્તા કહી હતી કે 'ડી ડે'નું શૂટિંગ પૂરું થયા પછી અમે બધા ઋષિ કપૂરની આજુબાજુ બેસતા. ઋષિ કપૂર ઘણી બધી વાર્તાઓ રહેતી અને તે અમને પણ સંભળાવતા. તેઓ એક અસાધારણ કલાકાર છે અને તેમની સાથે કામ કરવાનું ગમે છે. તેઓએ કહ્યું હતું કે ઋષિ કપૂરની સાથે કામ કરવું એક સપનું સાકાર કરવા જેવું છે. ઈરફાન ખાને કહ્યું કે ઋષિ કપૂરની સાથે કામ કરવું મારું સપનું પૂરું કરવા જેવું છે. આ એ સપનું છે જેને વિશે મેં ક્યારેય વિચાર્યું પણ ન હતું.
નિખિલ અડવાણીના નિર્દેશનમાં બનેલી ફિલ્મ 'ડી ડે' 2013માં રિલિઝ થઈ હતી. આ ફિલ્મમાં ઈરફાન ખાને રૉ એજન્ટ અને ઋષિ કપૂરે અંડરવર્લ્ડ ડોન દાઉદ ઈબ્રાહિમના જેવો રોલ કર્યો હતો.