બોલિવૂડ અભિનેતા અનિલ કપૂરની દીકરી અને અભિનેત્રી સોનમ કપૂરની બહેન રિયા કપૂરના લગ્ન હાલમાં જ થયા છે. તેણે લોન્ગ ટાઈમ બોયફ્રેન્ડ કરણ બુલાની સાથે લગ્ન કરી લીધા.
અનિલ કપૂરની દીકરી રિયાએ હાલમાં જ કર્યા લગ્ન
પોતાની તસવીરો પોસ્ટ કરીને ટ્રોલ થઈ રિયા
રિસેપ્શનની તસવીરો જોઈ યુઝર્સ બોલ્યા 'રાધે મા'
રિયાના લગ્નના ફોટા અને વીડિયો હજી સુધી સોશિયલ મીડિયા પર વાયરલ થઈ રહ્યાં છે, પરંતુ હવે રિયા કપૂરને સોશિયલ મીડિયા પર ટ્રોલ કરવામાં આવી રહી છે. લોકો તેની તુલના 'રાધે મા' સાથે કરી રહ્યાં છે. ટ્રોલ થવાનું કારણ તેની લેટેસ્ટ ઇન્સ્ટાગ્રામ પોસ્ટ છે.
હકીકતમાં રિયા કપૂરના લગ્ન પછી તેના બેસ્ટ ફ્રેન્ડ્સે એક રિસેપ્શન પાર્ટી આપી હતી. તેણે આ પાર્ટીની તસવીરો સોશિયલ મીડિયા પર શેર કરી છે. આ તસવીરો શેર કરતાં તેણે લખ્યું, દુનિયામાં સૌથી સારાં મિત્રો દ્વારા આપવામાં આવેલી પાર્ટી. અત્યાર સુધીનું બેસ્ટ રિસેપ્શન. આ તસવીરોમાં રિયા લાલ રંગના ફુલ સ્લીવ ટોપ અને સફેદ રંગની ફુલ લેન્થ સ્કર્ટમાં જોવા મળી રહી છે. તેણે કપાળ પર લાલ રંગનો ચાંદલો પણ લગાવ્યો છે.
આ તસવીરોમાં જોઈ શકાય છે કે રિયાના વાળ પણ ખુલ્લા છે. તેણે પગના તળિયા પણ લાલ રંગથી રંગાયેલા છે. આ બધું જોઈને કેટલાક લોકો તેના લુકની પ્રશંસા કરી રહ્યાં છે, જ્યારે ઘણા લોકો તેને બીજી 'રાધે મા' કહી રહ્યાં છે.
રિયા કપૂરની આ તસવીરોવાળી પોસ્ટ પર એક યુઝરે લખ્યું, આને જુઓ રાધે મા. જેટલું તમે બીજાને સારું દેખાડો છો એટલા જ તમે મૂર્ખ લાગો છો. સાથે જ કેટલાક લોકો રિયાના આ લુકને જોઈને હાર્ટવાળા ઈમોજી કમેન્ટ કરી રહ્યાં છે.
તમને જણાવી દઈએ કે રિયા કપૂર પણ બહેન સોનમ કપૂરની જેમ ફેશનિસ્ટા છે. એટલું જ નહીં સોનમ કપૂરના લગ્ન પહેલાં રિયા કપૂર પોતે પણ તેને સ્ટાઇલિશ લુક આપવામાં મદદ કરતી હતી. રિયા કપૂર એક્સપેરિમેન્ટ કરવામાં પીછેહઠ નથી કરતી. તે પોતાના કોઈપણ લુકને રિપીટ નથી કરતી.