બોલિવૂડ / આ ફિલ્મે બોક્સ ઓફિસ પર પહેલાં જ દિવસે કરી અધધ કમાણી

• 'પતિ- પત્ની ઔર વો'એ કરી અધધ કમાણી
• 8.5 કરોડની છે પહેલાં દિવસની ફિલ્મની કમાણી
• કાર્તિક-ભૂમિ અને અનન્યા પાંડેએ પહેલીવાર સાથે સ્ક્રીન શેર કરી

કાર્તિક આર્યન, ભૂમિ પેડનેકર અને અનન્યા પાંડેની ફિલ્મ 'પતિ- પત્ની ઔર વો' બોક્સ ઓફિસ પર રિલિઝ થઈ ગઈ છે. ફિલ્મે પહેલાં દિવસે પણ બોક્સ ઓફિસ પર મોટી કમાણી કરી છે.

પહેલા દિવસે આટલી છે ફિલ્મની કમાણી

ફિલ્મ એનાલિસ્ટ રાજ બંસલના આધારે ફિલ્મે પહેલાં દિવસે 8.5 કરોડની કમાણી કરી છે. ફિલ્મના પહેલાં દિવસની કમાણી જોઈને વીકેન્ડમાં ફિલ્મના સારા બિઝનેસની આશા છે. ઉલ્લેખનીય છે કે ફિલ્મનું બજેટ લગભગ 30 કરોડનું માનવામાં આવી રહ્યું છે. મૂવી 1978માં આવેલી સંજીવ કપૂર, વિદ્યા સિન્હા અને રંજીતા કૌરની પતિ પત્ની અને વોની રિમેક છે. કાર્તિક આર્યનની ફિલ્મને મુદસ્સર અજીજે બનાવી છે. 

#PatiPatniAurWoh Day1 collects ₹8.5Cr. The film has find lots of appreciation & is looking at good numbers for the weekend. @TheAaryanKartik @bhumipednekar @ananyapandayy

— RAJ BANSAL (@rajbansal9) December 6, 2019

ફિલ્મમાં શું છે સ્ટાર્સના કેરેક્ટર્સ?

ફિલ્મમાં કાર્તિક ચિંટુ ત્યાગીની ભૂમિકામાં જોવા મળશે. ભૂમિ પેડનેકર પત્ની અને અનન્યા પાંડે બહારવાળીના રોલમાં જોવા મળશે. આ પહેલીવાર છે કે જ્યારે કાર્તિક- ભૂમિ અને અનન્યા પાંડેએ સ્ક્રીન શેર કરી છે.

શું છે ફિલ્મની વાર્તા?

પતિ પત્ની અને વો લખનઉના અભિનવ ઉર્ફ ચિંટુ ત્યાગી (કાર્તિક આર્યન)ની વાત છે. ચિંટુના લગ્ન વેદિકા ત્રિપાઠી (ભૂમિ પેડનેકર)થી થાય છે. બંનેના પ્રેમની ગાડી 3 વર્ષ પછી બેક સીટ પર આવે છે. આ સમયે ચિંટુના જીવનમાં ગ્લેમરસ તપસ્યા સિંહ (અનન્યા પાંડે)ની એન્ટ્રી થાય છે. જે લખનઉમાં બિઝનેસ કરવા માટે આવે છે. તપસ્યાને મળ્યા બાદ ચિંટુની બોરિંગ લાઈફમાં આનંદ છવાઈ જાય છે. આ સાથે જ ફિલ્મમાં અનેક ટ્વિસ્ટ અને ટર્ન્સ આવે છે.