બોલિવૂડની સિંગિંગ ક્વીન નેહા કક્કર હવે એક્ટિંગ કરવા માંગે છે. તેણે હાલમાં જ આપેલા એક ઇન્ટરવ્યૂમાં પોતાના એક્ટિંગ કરિયરને શરૂ કરવાને લઈને તેના પ્લાન્સ જણાવ્યા. હકીકતમાં નેહા તેના સાથી સિંગર્સની જેમ બોલિવૂડમાં ફ્લોપ નથી થવા માંગતી. જેથી તેણે એક્ટ્રેસ બનવાને લઈને પૂરી પ્લાનિંગ કરી છે. ચાલો જાણીએ.
સિંગિંગ ક્વિન નેહા કક્કર હવે ફિલ્મોમાં એક્ટિંગ કરવા માંગે છે
ઈન્ટરવ્યૂમાં નેહા કક્કરે કહ્યું, અત્યારે જેટલા પણ સિંગર્સે એક્ટિંગમાં હાથ અજમાવ્યો છે તેમને સફળતા મળી નથી. ઉલ્લેખનીય છે કે, હિમેશ રેશમિયા, મીકા સિંહ, હની સિંહ, સોનૂ નિગમ, બાદશાહ, આદિત્ય નારાયણ, સુખવિંદર સિંહ, આતિફ અસ્લમ જેવા ઘણાં દિગ્ગજ બોલિવૂડ સિંગર્સ એક્ટિંગમાં હાથ અજમાવી ચૂક્યા છે. પરંતુ તેઓ જેટલા સારાં સિંગર્સ સાબિત થયા એટલા સારાં એક્ટર બની શક્યા નહીં અને આ લોકોની ફિલ્મો ફ્લોપ થઈ.
હાલમાં જ આવેલી હિમેશ રેશમિયાની હેપ્પી હાર્ડ એન્ડ હીર હોય કે પછી બાદશાહની ખાનદાની શફાખાના કે પછી સોનૂ નિગમની જાની દુશ્મન હોય આ સિંગર્સને ઓડિયન્સનો એક્ટિંગ કરિયરમાં પ્રેમ મળી શક્યો નહીં. જેથી તેમણે સિંગિંગ પર જ ફોકસ કરવાનું ચાલુ રાખ્યું.
આ બધાંની વચ્ચે સિંગિંગ ક્વિન નેહા કક્કરના વીડિયો સોન્ગ્સને જબરદસ્ત કામયાબી અને ફેન્સનો રિસ્પોન્સ મળવાને કારણે તે એક્ટિંગ કરવાને લઈને એક્સાઈટેડ છે, પરંતુ તેણે ફિલ્મોમાં આવતા પહેલાં આ ખાસ પ્રકારની શરત રાખી છે. તેણે તેના સાથી સિંગર્સની નિષ્ફળતાઓથી શીખીને શરત મૂકી કે, હું એ જ ફિલ્મમાં એક્ટિંગ કરીશ જેના હિટ થવાના ચાન્સિસ સૌથી વધુ હોય.
નેહા કક્કર કહે છે કે, હું માત્ર એક્ટિંગ કરવા માટે ફિલ્મોમાં આવવા નથી માંગતી પણ હું ઈચ્છું છું કે જે ફિલ્મમાં હું કામ કરું એ સુપરહિટ થઈ જાય. હું એવી કોઈ જ ફિલ્મને હાથ નહીં લગાવું જેના હિટ થવાના ચાન્સિસ ઓછાં હોય. હું એવી જ ફિલ્મોનો ભાગ બનીશ જેમાં મને લાગશે કે આ ફિલ્મ નિશ્ચતપણે હિટ થશે જ. તો હવે એ જોવાનું રહ્યું કે, નેહા કક્કડ આગામી સમયમાં કોઈ ફિલ્મમાં એક્ટિંગ કરતા જોવા મળી શકે છે.