બોલિવૂડ / શું શાહરૂખ ખાન મન્નત છોડી રહ્યો છે?, જાણો ક્યાં શિફ્ટ થઈ રહ્યો છે કિંગ ખાન? જાણો ડિટેઈલ

બોલિવૂડમાં કિંગ ખાન તરીકે ઓળખાતો એક્ટર શાહરૂખ ખાન ટૂંક સમયમાં નવી જગ્યાએ રહેવા જવાનો છે. તે તેના ફેમસ મન્નત હાઉસ છોડીને નવા એપાર્ટમેન્ટમાં શિફ્ટ થવાનો છે. શાહરૂખ ખાનના ઘર મન્નતમાં રીનોવેશનનું કામ ચાલી રહ્યું છે, જેના કારણે શાહરૂખ અને તેનો પરિવાર થોડા સમય માટે નવા એપાર્ટમેન્ટમાં શિફ્ટ થવાનો છે.

• ક્યાં શિફ્ટ થશે શાહરૂખ ખાન ?
  શાહરૂખ ખાન તેની પત્ની ગૌરી ખાન અને તેના સંતાનો આર્યન, સુહાના અને અબરામ સાથે ચાર માળના લક્ઝરી એપાર્ટમેન્ટમાં શિફ્ટ થઈ રહ્યો છે. આ એપાર્ટમેન્ટ બાંદ્રાના પાલી હિલ્સ એરિયામાં આવેલું છે.  બિલ્ડિંગ Puja Casa ના ફિલ્મ મેકર વાસુ ભગનાની અને તેમના પુત્ર જેકી ભગનાની, પુત્રી દીપશિખા દેશમુખની માલિકીની છે. વાસુ ભગનાનીની ફિલ્મ પ્રોડક્શન કંપની પૂજા એન્ટરટેઈનમેન્ટની માફક આ બિલ્ડિંગનું નામ વાસુની પત્ની પૂજા ભગનાનીના નામ પરથી Puja Casa રાખવામાં આવ્યું છે.

મીડિયા રિપોર્ટ અનુસાર, શાહરૂખના મન્નત હાઉસનું રીનોવેશન કામગીરી મે મહિનામાં શરૂ થવાનું છે. શાહરૂખને તેના આ બંગલાના એક્સટેંશન માટે કોર્ટની પરવાનગી પણ લેવી પડી હતી. મન્નત ગ્રેડ III હેરિટેજ સ્ટ્રક્ચર છે, જેમાં કોઈપણ સ્ટ્રક્ચર ચેન્જ પરવાનગી  બાાદ જ કરી શકાય છે. શાહરૂખ ખાન અને તેના પરિવારને ઓછામાં ઓછા બે વર્ષ સુધી Puja Casaમાં રહેવું પડશે.

• કોણ હશે શાહરૂખ ખાનના પાડોશી ?
  Puja Casaમાં વર્ષોથી ભગનાની ફેમિલી રહે છે. વાસુ ભગનાની અહીં તેમના પરિવાર સાથે રહે છે. જેકી ભગનાની અને તેમની પત્ની રકુલ પ્રીત સિંહ પણ આ જ બિલ્ડિંગમાં રહે છે. જેથી હવે ભગનાની ફેમિલી શાહરૂખ ખાનની પડોશી બનશે. સૂત્રો પાસેથી એવું પણ જાણવા મળ્યું છે કે, શાહરૂખ આ નવા ચાર માળના ઘર માટે 24 લાખનું ભાડું પણ ભરશે, પણ આ ભાડાના રકમની પૃષ્ટિ VTV નથી કરતું.

વધુ વાંચો : 'તેને મને ફાર્મહાઉસ પર બોલાવી અને...', સલમાન ખાનને લઇને કિચ્ચા સુદીપની દીકરીએ આ શું કહ્યું?

ઉલ્લેખનીય છે કે, મન્નત બહાર દરરોજ સેંકડો ફેન્સ શાહરૂખની તસવીર લેવા જમાં થાય છે. જ્યારે શાહરૂખ તેની બાલ્કનીમાં આવી હાથ ફેલાવી પોઝ આપે ત્યારે ફેન્સ પણ ખુશ થઈ જતાં હોય છે. પણ જ્યારે તે નવા ઘરમાં શિફ્ટ થશે ત્યારે ફેન્સને તેનો નજારો જોવા નહીં મળે. શાહરૂખે આ ઘર ખરીદવા માટે એક સાથે અનેક ફિલ્મો સાઈન કરી હતી. તેના વર્ક ફ્રન્ટને લઈ સૂત્રો દ્વારા એમ પણ જાણવા મળ્યું છે કે પુષ્પા ફેમ ડાયરેક્ટર સુકુમારની ફિલ્મમાં નેગેટિવ રોલમાં જોવા મળી શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ