મનોરંજન / બોલિવૂડ આંધળું અને બહેરું છે..:બોક્સ ઓફિસનું ગણિત સમજાવતા ધ કશ્મીર ફાઇલ્સના ડાયરેક્ટરે કર્યો કટાક્ષ

• વિવેક અગ્નિહોત્રીએ ફરી એકવાર બોલિવૂડની ક્લાસ લગાવી
• બોલિવૂડને ફિલ્મોનું સરળ ગણિત સમજવા એક નવું ટ્વિટ કર્યું
• બોલિવૂડને પૂછ્યું છે કે તે આંધળું અને બહેરું છે?

ધ કાશ્મીર ફાઇલ્સ ફિલ્મના ડાયરેક્ટર વિવેક અગ્નિહોત્રી અવારનવાર પોતાના વિવાદિત નિવેદનોને કારણે ચર્ચામાં રહે છે. વિવેક અગ્નિહોત્રી પણ પોતાના નિવેદનોને લઈને વિવાદોમાં ફસાયેલા જોવા મળે છે. આ દરમિયાન વિવેક અગ્નિહોત્રીએ હવે ફરી એકવાર હિન્દી સિનેમાના બદલાતા ટ્રેન્ડ વિશે કટાક્ષ કરતાં સાથે જ બૉલીવુડની ક્લાસ પણ લગાવી છે. વિવેક અગ્નિહોત્રીએ ટ્વીટ કરીને બોલિવૂડને પૂછ્યું છે કે તેને આંધળું અને બહેરું છે?'

ટ્વિટ થયું વાયરલ 
આપણે બધા જાણીએ છીએ કે આ વર્ષે રિલીઝ થયેલી ઘણી મોટા બજેટની ફિલ્મો બોક્સ ઓફિસ પર ખરાબ રીતે નિષ્ફળ રહી છે, જ્યારે ઘણી નાના બજેટની ફિલ્મોએ બોક્સ ઓફિસ પર સારું પ્રદર્શન કરીને દર્શકોના દિલ જીત્યા છે. આવી સ્થિતિમાં વિવેક અગ્નિહોત્રીએ બોલિવૂડને ફિલ્મોનું સરળ ગણિત સમજવા એક નવું ટ્વિટ કર્યું છે અને એ ટ્વિટ સોશિયલ મીડિયા પર ઝડપથી વાયરલ થઈ રહ્યો છે. 

4 small films with no stars, no marketing or distribution support - #TheKashmirFiles, #Kartikeya2, #Kantara & #Rocketry earned approx 800 Cr at BO. Total cost of production of 4 films under 75 cr.

Is Bollywood blind, deaf & dumb that they don’t understand simple maths and learn?

— Vivek Ranjan Agnihotri (@vivekagnihotri) October 28, 2022

બોલિવૂડ આંધળું, બહેરું અને મૂંગું છે
પોતાના ટ્વીટ દ્વારા નિર્દેશકે સમગ્ર બોલિવૂડ પર નિશાન સાધ્યું છે. ટ્વીટમાં તર્ક અને ગણિત સમજાવતા લખ્યું કે, "4 નાની ફિલ્મો જેમાં કોઈ સ્ટાર્સ નથી, કોઈ માર્કેટિંગ અથવા ડિસ્ટ્રીબ્યુશન સપોર્ટ નથી, ધ કાશ્મીર ફાઇલ્સ, કાર્તિકેય 2, કંતારા અને રોકેટરી આ ફિલ્મોએ બોક્સ ઓફિસ લગભગ 800 કરોડની કમાણી કરી છે.  ચારેય ફિલ્મોનો કુલ પ્રોડક્શન ખર્ચ 75 કરોડથી ઓછો છે. શું બોલિવૂડ આંધળું, બહેરું અને મૂંગું છે કે તે સાદા ગણિતને નથી સમજતું કે નથી શીખતું?"

સાદી ભાષામાં કહીએ તો વિવેક અગ્નિહોત્રીએ આ નાના બજેટની ફિલ્મોના ઉદાહરણ આપીને અહીં એમ કહેવાનો પ્રયાસ કરી રહ્યા છે કે મોટા પાયે ફિલ્મો બનાવવાની કે કરોડો રૂપિયા ખર્ચવાની જરૂર નથી. તેના બદલે, પ્રેક્ષકોને યોગ્ય વાર્તા અને સારી ફિલ્મો આપવા પર ધ્યાન કેન્દ્રિત કરવું જોઈએ. 

જો કે આ ટ્વીટ માટે વિવેક અગ્નિહોત્રીને યુઝર્સના ગુસ્સાનો સામનો કરવો પડી રહ્યો છે. અમુક યુઝર્સ તેની સાથે સહમત નથી પણ ઘણા લોકો વિવેક અગ્નિહોત્રી સાથે સહમત છે એમ પણ કહી રહ્યા છે. 

Just received the formal confirmation that #TheKashmirFiles is an official selection in Indian Panorama for @IFFIGoa. Congrats #TeamTKF and thanks to jury and the blessings of the wonderful audience. @AAArtsOfficial @ZeeStudios_ pic.twitter.com/Pv48mEDe5B

— Vivek Ranjan Agnihotri (@vivekagnihotri) October 27, 2022

કાશ્મીર ફાઈલ્સે કરી હતી સારી કમાણી 
વિવેક અગ્નિહોત્રીની ફિલ્મ ધ કાશ્મીર ફાઇલ્સે બોક્સ ઓફિસ પર રેકોર્ડ બ્રેક કમાણી કરી હતી. જણાવી દઈએ કે ફિલ્મ લગભગ 15 કરોડના બજેટમાં બની હતી પણ ફિલ્મની વર્લ્ડવાઈડ કમાણી લગભગ 341 કરોડ રૂપિયા હતી. બાકીની ત્રણ ફિલ્મોએ પણ જોરદાર કમાણી કરી છે. વિવેક અગ્નિહોત્રી એમ કહે છે કે જો ફિલ્મની વાર્તા મજબૂત હશે તો નાના બજેટની ફિલ્મો પણ બોક્સ ઓફિસ પર અજાયબી કરી શકે છે.