IPLIN
 

બૉલીવુડ / લૉકડાઉનમાં બૉલીવુડ સેલેબ્સનો નવતર પ્રયોગ : તમારી ઘરે બેઠાં બનાવેલી ફિલ્મો 'રિલીઝ' કરશે

Team VTV 06:24 PM, 17 Apr 20 | Updated: 06:38 PM, 17 Apr 20
Follow us
Bollywood initiates film making from home amid coronavirus lockdown best film will be released on social media

દેશમાં કોરોના વાયરસના પગલે લોક ડાઉનનો તબક્કો લંબાવવામાં આવ્યો છે. જો કે આ સમયગાળામાં ઘરે બેઠા સૌ કોઈ પોતપોતાની રીતે સક્રિય અને સર્જનાત્મક રહેવાનો પ્રયત્ન કરી રહ્યું છે. એવા સમયે બૉલીવુડના ડાયરેક્ટર કરણ જોહરે સોશ્યલ મીડિયા ઉપર એક કોન્ટેસ્ટ ચાલુ કર્યો છે. તેમાં ભાગ લેવા માટે તમારે તમારા ઘરની અંદર જ કોરોના વાયરસ અને ક્વોરનટાઈનને લગતી ૧ મિનિટની શોર્ટ ફિલ્મ બનાવીને સબમિટ કરવાની છે.

દેશમાં કોરોનાવાયરસે હાહાકાર મચાવ્યો છે. રસી કે દવાના અભાવે લોકોને ઘરે રહીને વાયરસથી બચવાની તાકીદ કરાઈ છે. સૌ કોઈ પોત પોતાના ઘરે પૂરાયેલું છે. આ સમયે લોકડાઉનના પિરિયડમાં ફિલ્મોની રિલીઝ સંપૂર્ણપણે સ્થગિત કરાઈ છે. એવામાં બૉલીવુડના ફિલ્મ નિર્માતા કરણ જોહરે તેના સોશ્યલ મીડિયા પર પોસ્ટ કરી છે જેના પર સૌ કોઈનું ધ્યાન ગયું છે. જેમાં તમે ઘરે બેઠાં 1 મિનિટની ફિલ્મ બનાવી શકો છો જેમાં બેસ્ટ ફિલ્મોને બૉલીવુડના જાણીતા ડિરેક્ટર્સ પોતાના સોશ્યલ મીડિયા પર રિલીઝ કરશે. આ અભિયાન ફિલ્મ જગત સાથે સંકળાયેલ મુકેશ છાબરા, મોન્ટુ બસ્સી, મૌલિક ભગત અને નીતુ જૈન દ્વારા શરૂ કરાયું છે. 

India Let's Make a Film

આ નામથી શરુ કરાયેલ આ સ્પર્ધામાં ભાગ લેના વ્યક્તિએ ઘરે રહીને ફક્ત 1 મિનિટની મોબાઈલથી શૂટ કરાયેલી એક શોર્ટ ફિલ્મ તૈયાર કરવાની છે. આ માટે પ્રતિસ્પર્ધીઓને આ પ્રમાણેના વિષય અપાયા છે.

  1.  ક્વોરનટાઈન પિરિયડની સકારાત્મક બાજુ
  2.  હમ હોંગે કામિયાબ 
  3.  રસપ્રદ / નવીન પ્રકારની લોક ડાઉન સ્ટોરીઝ 
  4.  ચાલો સુરક્ષાત્મક પગલાંઓનો અમલ કરીએ 
  5.  લોક ડાઉનમાં કમનસીબ લોકોની મદદ, તેમની કાળજી અને તેમની ચિંતા 
  6.  કોરોના સામે લડી રહેલા યોદ્ધાઓ (મેડિકલ સ્ટાફ, પોલીસ, સફાઈ કામદારો વગેરે)ને સલામ!

નોંધનીય છે કે આ ફિલ્મોને પ્રેક્ષકો સુધી સાજીદ નડિયાદવાલા, આનંદ રાય, એકતા કપૂર , નિતેશ તિવારી, દિનેશ વિજન જેવા ફિલ્મ નિર્માતાઓ પહોંચાડશે.

ડાબેથી જમણે સાજીદ નડિયાદવાલા, આનંદ રાય, એકતા કપૂર , નિતેશ તિવારી, દિનેશ વિજન

કેવી રીતે પોતાની ફિલ્મ સબમિટ કરવાની રહેશે?

જો તમે પણ આ ફિલ્મ સ્પર્ધામાં ભાગ લેવા માંગતા હો તો તમારે આ સ્ટેપ્સ લેવાના રહેશે.

૧. તમારે ઘરની અંદર જ રહીને ઉપર ચર્ચા કરેલા ૬ માંથી કોઈ પણ એક વિષયને અનુરૂપ મોબાઈલથી શૂટ કરેલ એક વીડિયો બનાવવાની રહેશે. આ શોર્ટ ફિલ્મ એક મિનિટ જેટલી હશે.

૨. આ વીડિયોને તમારે MOV ફોરમેટમાં રાખવાનો રહેશે. તેને તમારે [email protected] ઈમેઈલ આઈડી ઉપર મોકલવાની રહેશે. 

ફિલ્મ સબમીટ માટેની 21 એપ્રિલ છેલ્લી તારીખ

વીડિયો સબમિટ કરવાની છેલ્લી તારીખ ૨૧મી એપ્રિલ છે એટલે તમારે તમારું સબમિશન આ તારીખ પહેલા કરી દેવું પડશે. 

આ પોસ્ટમાં ખાસ ઉલ્લેખ કરવામાં આવ્યો છે કે મહેરબાની કરીને આ દેશમાં ચાલી રહેલા આ લોક ડાઉનનું ચુસ્ત પાલન કરવામાં આવે અને વીડિયોને શૂટ કરવા માટે ઘરની બહાર ન જવામાં આવે. ઘરે જ રહીને સુરક્ષિત રહીને ફિલ્મ શૂટ કરવામાં આવે. આ કોન્ટેસ્ટમાં જીતેલી ફિલ્મને સોશ્યલ મીડિયા પ્લેટફોર્મ્સ ઉપર રીલીઝ કરવામાં આવશે. 

Karan Johar એકતા કપૂર કરણ જોહર Ekta Kapoor Bollywood બોલીવુડ Lock Down લોક ડાઉન Let's Make A Film
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ