બેઠક / ડ્રગ્સ કેસમાં હવે ગુજરાત કેડરના અધિકારી મુંબઈ પહોંચતા ફફડાટ, મોટા નામોનો થઈ શકે ખુલાસો

• NCBના DG રાકેશ અસ્થાના મુંબઈ પહોંચ્યા
• મુંબઈમાં NCBના અધિકારીઓ સાથે બેઠક
• ડ્રગ્સ કેસમાં અનેક મોટા નામોના થઈ શકે છે ખુલાસા

બૉલીવુડમાં ડ્રગ્સ મામલે તપાસ ઝડપી થયા બાદ નારકોટિક્સ કંટ્રોલ બ્યૂરો(NCB)ના પ્રમુખ રાકેશ અસ્થાના 3-4 અધિકારીઓ સાથે રવિવારે આ મામલે સમીક્ષા કરવા માટે દિલ્હીથી મુંબઇ પહોંચ્યા છે. ડ્રગ્સ કેસમાં મોટા નામોના ખુલાસાને લઇને બેઠક મળી રહી છે. સંયુક્ત નિદેશક સમીર વાનખેડેની સાથે NCB પ્રમુખ NCPની મુંબઈ ટીમ સાથે બેઠક કરી રહ્યા છે અને કથિત રીતે મામલામાં એકઠા કરવામાં આવેલા પુરાવાઓનું વિશ્લેષણ કરી રહ્યા છે.

મુંબઈમાં NCB પ્રમુખ

NCBએ હાલ એક્ઝિક્યુટિવ નિર્માતા ક્ષિતિજ રવિ પ્રસાદને તેમના ઘરેથી ગાંજાની નાની માત્રા મળ્યા બાદ તેમની ધરપકડ કરી છે. તેમને મુંબઈની કોર્ટમાં 3 ઓક્ટોબર સુધીમાં NCBની કસ્ટડીમાં મોકલવામાં આવશે. એવું માનવામાં આવી રહ્યું છે કે, પ્રસાદ, જે પહેલા બૉલીવુડના એક ઉચ્ચ પ્રોડક્શન હાઉસથી જોડાયેલા હતા, તેઓ તપાસ એજન્સીને સ્પષ્ટ જવાબ નથી આપી રહ્યા.

 હું ડ્રગ્સ નથી લેતોઃ કરણ જોહર

બોલિવૂડમાં ડ્રગ્સ મામલે NCBનો સકંજો વધતા કરણ જોહરે નિવેદન આપ્યું હતું. તેમણે કહ્યું હતું કે, હું ડ્રગ્સ નથી લેતો. હું ક્ષિતિજ અને અનુભવને નથી ઓળખતો. બંનેમાંથી કોઈ ધર્મા પ્રોડક્શનના સાથે જોડાયેલા નથી. NCBએ ક્ષિતિજની અટકાયત કરી છે. ક્ષિતિજનું ધર્મા પ્રોડક્શન સાથે નામ જોડાયેલું હોવાના આક્ષેપ થયા છે.

NCBએ સુશાંતસિંહ રાજપૂતના મોત મામલે ડ્રગ્સ એંગલની તપાસ કરતા પોતાની તપાસ શરૂ કરી હતી. જેમાં NDPS એક્ટ હેઠળ અભિનેત્રી રિયા ચક્રવર્તી અને તેમના ભાઇ શૌવિક સહિત 12થી વધુ લોકોની ધરપકડ કરવામાં આવી છે. ત્યાર બાદ KWANની ટેલેન્ટ મેનેજર જયા સાહાની વ્હોટ્સએપ ચેટ સામે આવ્યા બાદ કેટલાક ફિલ્મી કલાકારો સાથે પૂછપરછ થઇ રહી છે.