ક્લેશ / January 2020માં આ બિગ બેનર ફિલ્મો બોક્સ ઓફિસ પર એકબીજાને આપશે તગડી ટક્કર

• નવા વર્ષની શરૂઆતમાં આ મોટી ફિલ્મો વચ્ચે થશે ટક્કર
• અજય દેવગણ અને દીપિકા પાદુકોણ આવશે સામસામે
• કંગના રનૌત અને વરૂણની ફિલ્મ વચ્ચે થશે ક્લેશ

3 જાન્યુઆરી: સબ કુશલ મંગલ અને સિમલા મિર્ચી

રવિ કિશનની પુત્રી રીવા કિશન અને પદ્મિની કોહલાપુરેનો દીકરો પ્રિયંક શર્મા ફિલ્મ સબ કુશલ મંગલથી ડેબ્યૂ કરવા જઇ રહ્યા છે. અક્ષય ખન્ના તેમની સાથે આ ફિલ્મમાં કામ કરી રહ્યા છે. સબ કુશલ મંગલની ટક્કર 3 જાન્યુઆરીએ રાજકુમાર રાવ, રકુલ પ્રીત સિંહ અને હેમા માલિની સ્ટારર ફિલ્મ સિમલા મિર્ચી સાથે થશે.

10 જાન્યુઆરી: તનાજી: અનસંગ વૉરિયર અને છપાક

અજય દેવગન અને દીપિકા પાદુકોણ જાન્યુઆરીમાં એકબીજા ટક્કર આપવા જઈ રહ્યા છે. દીપિકા અને અજયની ફિલ્મો 10 જાન્યુઆરીએ રિલીઝ થઈ રહી છે. હવે આ બંનેમાંથી કોણ આગળ નીકળે છે તે જોવાનું રહ્યું.

24 જાન્યુઆરી: પંગા અને સ્ટ્રીટ ડાંસર 3ડી

કંગના રણૌતની સ્પોર્ટ્સ (કબડ્ડી) પર આધારિત ફિલ્મ પંગા અને વરૂણ ધવન-શ્રદ્ધા કપૂર સ્ટારર ડાંસ પર આધારિત ફિલ્મ સ્ટ્રીટ ડાન્સર 3ડી રીપબ્લિક ડે વીકમાં રિલીઝ થઈ રહી છે. આ બંને ફિલ્મોની ટક્કર જોવી રસપ્રદ રહેશે.

31 જાન્યુઆરી: હેપી હાર્ડી એન્ડ હીર અને જવાની જાનેમન

જાન્યુઆરીના અંતમાં સૈફ અલી ખાન તેના પ્લેબોય અવતારમાં વાપસી કરી રહ્યો છે, ત્યારે સંગીતકાર હિમેશ રેશમિયા પણ તેમની ફિલ્મ હેપ્પી હાર્ડી એન્ડ હીર ફિલ્મ લાવી રહ્યા છે. હવે આ બંનેની ફિલ્મો વચ્ચે ટક્કર થશે.