દબંગ ખાન અને ભાઇજાનથી ફેમસ એવા બોલિવુડ સુપરસ્ટાર સલમાન ખાનનો આજે 54મો બર્થ ડે છે. સલમાન ખાને ગઇકાલે રાત્રે જ બર્થ ડેનું સેલિબ્રેશન ફેમિલીની સાથે કર્યુ હતુ. સલમાન ખાનની આ સેલિબ્રેશન પાર્ટીમાં બોલિવુડના ઘણા સેલેબ્સ હાજર રહ્યા હતા.
સોશ્યલ મીડિયા પર વાયરલ થયેલા વીડિયોમાં સલમાન ખાનની સાથે પિતા સલીમ ખાન, બહેન અર્પિતા અને તેનો બોડીગાર્ડ શેરા સહિતના અન્ય લોકો પણ જોવા મળી રહ્યા છે. આ સાથે જ વીડિયોમાં જોઇ શકાય છે કે સલમાન ખાન ભાણેજ આહિલ સાથે કેટ કરતો જોવા મળી રહ્યો છે.
સલમાન ખાન પોતાની દરેક બર્થ ડે પોતાના ફેમિલી અને બી-ટાઉનના ફ્રેન્ડ્સ સાથે ઉજવે છે અને આ વખતે પણ તેણે આમ જ કંઇક કર્યુ હતુ. સોશ્યલ મીડિયા પર સલમાનની બર્થ ડેના ફોટોઝ અને વીડિયોઝ હાલમાં ખૂબ જ વાયરલ થઇ રહ્યા છે.
વર્કફ્રન્ટની વાત કરવામાં આવે તો સલમાન ખાનની દબંગ 3 ગત શુક્રવારે રિલીઝ થઇ હતી. બોક્સ ઑફિસ પર ફિલ્મ ઘણી કમાણી કરી રહી છે. આ પછી સલમાન ખાન ફિલ્મ 'રાધે: યોર મોસ્ટ વોન્ટેડ ભાઇ', માં જોવા મળશે. આ ફિલ્મમાં તેની સાથે દિશા પટની અને જેકી શ્રોફ જોવા મળશે. આ ફિલ્મ ઇદ 2020 માં રિલીઝ થશે.