કોરોનાએ દેશભરમાં હાહાકાર મચાવ્યો છે અને 4 મહિનાથી વધુ સમયથી આ ચેપએ પગપેસારો કર્યો છે. દેશમાં તેના કેસ સતત વધતા જઈ રહ્યાં છે. આ દરમિયાન હવે બોલિવૂડ અને ટેલિવૂડ પર પણ કોરોનાનો કહેર વર્તાય રહ્યો છે. લોકોને સતત આ બીમારીથી સાવચેત રહેવાનો સંદેશ આપનારા બોલિવૂડના મહાનાયક અમિતાભ બચ્ચન પણ તેની ઝપેટમાં આવી ગયા છે. આ સિવાય પણ એન્ટરટેનમેન્ટ ઈન્ડસ્ટ્રીમાંથી કેટલાર સેલેબ્સ કોરોના પોઝિટિવ આવ્યા હોવાના સમાચાર છે.
બિગ બી કોરોના પોઝિટિવ આવ્યા બાદ અભિષેક બચ્ચન, એશ્વર્યા રાય, આરાધ્યા બચ્ચન પણ કોરોના પોઝિટિવ આવ્યા. બચ્ચન પરિવારના અન્ય સભ્યો અને નોકરનો પણ કોરોના ટેસ્ટ કરાવવામાં આવ્યો. જોકે, બિગ-બીના પત્ની જયા બચ્ચન સહિત અન્ય લોકોનો રિપોર્ટ નેગેટિવ આવ્યો.
બોલિવૂડ એક્ટર અનુપમ ખેરના પરિવારનો રિપોર્ટ પર કોરોના પોઝિટિવ આવ્યો છે. એક્ટરે પોતે ટ્વિટર પર આ વાતની જાણકારી આપી છે. તેમણે જણાવ્યું કે, તેમની માતા દુલારી ખેર અને ભાઈ રાજુ ખેર પણ કોરોના વાયરસથી સંક્રમિત થયા છે. આ સિવાય અનુપમ ખેરની ભાભી અને ભાણીનો રિપોર્ટ પણ પોઝિટિવ આવ્યો છે.
ઉંગલી ફેમ એક્ટ્રેસ રેચલ વ્હાઈટ પણ કોરોનાની ઝપેટમાં આવી ગઈ છે. ટ્વિટર પર એક્ટ્રેસે આ વાતની જાણકારી આપી છે. તે અત્યારે હોમ ક્વોરંટાઈનમાં છે.
બાલાજી ટેલિફિલ્મ્સની એક્ઝિક્યૂટિવ વાઈઝ પ્રેસિડેન્ટ તનુશ્રી દાસગુપ્તાનો પણ કોરોના રિપોર્ટ પોઝિટિવ આવ્યો છે. તેણે પોતાની હેલ્થને લઈને અપડેટ આપી છે. તે હાલ હોસ્પિટલમાં એડમિટ છે.