બ્રિટનના પ્રધાનમંત્રી બનેલા ભારતવંશી ઋષિ સુનકે હિંદુ રીતરીવાજો પ્રમાણે પીએમ આવાસમાં ગૃહપ્રવેશ કર્યો હતો જેનો એક વીડિયો સામે આવ્યો છે.
ઋષિ સુનક હિંદુ રીતરીવાજો પ્રમાણે ગૃહ પ્રવેશ કર્યો
10 ડાઉનિંગ સ્ટ્રીટમાં રહેવા ગયા
સિંગર અનુરાધા પોંડવાલે વીડિયો શેર કર્યો
લંડનની ડાઉનિંગ સ્ટ્રીટ હવે નવા પ્રધાનમંત્રી ઋષિ સુનકનું ઘર બન્યું છે. નવા પ્રધાનમંત્રી સુનક ભગવાન શ્રીકૃષ્ણથી ભારે પ્રભાવિત છે અને તેમના ભક્ત છે અને દુનિયાને હવે તેમની ભક્તિનો એક પુરાવો મળ્યો છે.
બોલિવુડ સિંગર અનુરાધા પૌડવાલે વીડિયો શેર કર્યો
અનુરાધા પૌડવાલે પોતાના ઈન્સ્ટાગ્રામ પર એક વીડિયો શેર કર્યો છે, જેમાં યુકેના નવા પ્રધાનમંત્રી ઋષિ સુનક પોતાની પત્ની અક્ષયા મૂર્તિ સાથે જોવા મળી રહ્યા છે. ઋષિ સુનક પેન્ટ શર્ટમાં જોવા મળી રહ્યા છે અને અક્ષયા મરૂન કલરની સાડીમાં જોવા મળી રહી છે. આ વીડિયોમાં ઋષિ સુનક તમામ લોકો સાથે ખૂબ જ ખુશ અને આરામદાયક જોવા મળી રહ્યા છે. ઋષિ પૂજારીના ચરણસ્પર્શ કરીને તેમના ખભા પર રામ-કૃષ્ણ નામનો પટ્ટો ગળામાં મૂકતા જોવા મળે છે. ઋષિ સુનકનો આ વીડિયો સોશિયલ મીડિયા પર જોરદાર વાયરલ થઈ રહ્યો છે. અનુરાધા પૌડવાલે આ વીડિયો શેર કરીને કેપ્શનમાં લખ્યું છે કે 'ઋષિ સુનકયુનાઇટેડ કિંગડમના વડાપ્રધાન તરીકે તેઓ સંપૂર્ણ સનાતન હિન્દુ વિધિ સાથે 10 ડાઉનિંગ સ્ટ્રીટ સ્થિત ઘરમાં પ્રવેશ્યા હતા.
શું છે ડાઉનિંગ સ્ટ્રીટ
ઉલ્લેખનીય છે કે ડાઉનિંગ સ્ટ્રીટ લંડનનો એ વિસ્તાર છે જ્યાં બ્રિટનના પીએમનું ઘર અને ઓફિસ આવેલી છે. હવે ઋષિ સુનક પરિવાર સાથે રહેશે.