ઋતિક રોશનની ફિલ્મ સુપર 30 (Super 30) ચર્ચાનું કેન્દ્ર બની રહી છે. આ ફિલ્મ ગણિતજ્ઞ આનંદ કુમારની બાયોપિક છે. હાલમાં જ આનંદ કુમાર લંડન ગયા હતા જ્યાં એમણે કેમ્બ્રિજ યૂનિવર્સિટીના સ્ટૂડેન્ટને સુપર 30નું ટ્રેલર બતાવ્યું છે. કેમ્બ્રિજ યૂનિવર્સિટીમાં ઇન્ટરેક્ટિવ સેશન દરમિયાન એમણે ટ્રેલર બતાવ્યું હતું.
કેમ્બ્રિજ યૂનિવર્સિટી દ્વારા યૂકે-એશિયા સમિટમાં આનંદ કુમારે શિક્ષાના મહત્વ વિશે વાત કરી. એમણે કહ્યું કે- દુનિયામાં સફળતા મેળવવા અને મોટી સમસ્યાઓથી દૂર કરવાનો એક ઉપાય શિક્ષા છે.
એમણે લંડનથી કેટલીક તસવીરો પણ શેર કરી હતી. ગણિતજ્ઞ આનંદ કુમારે પોતાના સોશિયલ મીડિયા પર પોતાની લંડન યાત્રાની તસવીર શેર કરતા લખ્યું કે, ''લંડન પણ ફિલ્મ 'સુપર 30'ની આતુરતાથી રાહ જોઇ રહ્યું છે''.
ઋતિક રોશન સ્ટારર 'સુપર 30' ને ફેન્સથી ઘણો પ્રેમ મળી રહ્યો છે. ફેન્સ પડદા પર તેમને જોવા માટે ઉત્સુક દેખાઇ રહ્યા છે. ઋતિક રોશન પોતાની આગામી ફિલ્મ 'સુપર 30' માં એક ગણિતજ્ઞની ભૂમિકામાં નજરે પડશે. જે 30 વિદ્યાર્થીઓેને આઇઆઇટી-જેઇઇ જેવી કોમ્પિટિટિવ એક્ઝામ માટે તૈયાર કરે છે. આ ફિલ્મને એચઆરએક્સ ફિલ્મ્સ અને રિલાયન્સ એન્ટરટેનમેન્ટે પ્રોડ્યૂસ કરી છે. આ ફિલ્મ સિનેમાઘરોમાં 12 જૂલાઇ 2019 રિલીઝ થશે.