અવસાન / બોલીવૂડ દિગ્ગજ એક્ટ્રેસનું અચાનક નિધન, મનોરંજન જગત શોકની લાગણીમાં ગરકાવ

• મીનુ મુમતાજનું કેનેડામાં નિધન
• મીનુના ભાઇએ આપી જાણકારી
• 1950'60ના દશકોમાં મીનુ સક્રિય હતી

મીનુના ભાઇએ આપી જાણકારી
મીનુના ભાઇ અનવર અલીએ જાણકારી આપતાં જણાવ્યું કે, તે હવે આપણી વચ્ચે નથી રહી. ફિલ્મ ઇન્ડસ્ટ્રી, મીડિયા, ફેન્સ અને ફ્રેન્ડ્ઝ દરેકને મીનુને આટલો પ્રેમ આપવા બદલ આભાર જતાવ્યો હતો. ઉલ્લેખનીય છે કે મીનુ કોમેડિયન મેહમૂદની બહેન હતી. મીનું 1950 તેમજ 1960ની ફિલ્મોમાં નજર આવી હતી. 

મીનુ ફિલ્મોમાં ડાન્સર અને કેરેક્ટર આર્ટિસ્ટ હતી. મીનુનું અસલી નામ મલિકુનીસા અલી હતું. દિગ્ગજ એક્ટ્રેસ મીના કુમારીએ તેનું નામ મીનુ રાખ્યું હતું. મીનુએ પોતાના કરિયરની શરૂઆત સ્ટેજ ડાન્સર તરીકે કરી હતી બાદમાં તે ફિલ્મોમાં 50ના દાયકામાં ડાન્સ કરતી હતી. 

મીનુની પહેલી ફિલ્મ સખી હાતિમ હતી. આ મૂવીમાં તે બલરાજ સાહનીની સામે લીડ રોલમાં હતી. મીનુ ગુરુ દત્તની ઘણી ફિલ્મોમાં નજર આવી છે. કાગજ કા ફૂલ, ચૌદવી કા ચાંદ, સાહિત બીવી ઓર ગુલામ, તાજમહાર, ઘૂંઘટ, ઇંસાન જાગ ઉઠા, ઘર બસા કે દેખો, ગઝલ જેવી ફિલ્મોમાં નજર આવી હતી. 

મીનુએ વર્ષ 1963માં ડાયરેક્ટર અલી અકબર સાથે લગ્ન કર્યા હતા. આ લગ્નથી તેમની 3 દીકરી અને 1 દિકરો છે. મીનુ ઘણા સમયથી કેનેડામાં રહેતી હતી અને ત્યાં જ છેલ્લા શ્વાસ પણ લીધા.