બોલીવુડ અભિનેત્રી મલાઈકા અરોરાને એક્સપ્રેસ વે પર ખોપોલી અકસ્માત નડ્યો છે,અકસ્માત બાદ તેને એપોલો હોસ્પિટલમાં દાખલ કરાઈ છે.
બોલીવુડ અભિનેત્રી મલાઈકા અરોરાની કારને અકસ્માત
એક્સપ્રેસ વે પર ખોપોલી ખાતે ત્રણ વાહનોની ટક્કર થઈ
મલાઈકાને થઈ નજીવી ઈજા, એપોલો હોસ્પિટલમાં દાખલ કરાઈ
પુણેમાં ફેશન શોમાં ભાગ લીધા બાદ મુંબઈ પરત આવતી વખતે મલાઈકાની કારને એક્સપ્રેસ વે પર ખોપોલી ખાતે અકસ્માત નડ્યો હતો. એક્સપ્રેસ વે પર ખોપોલી ખાતે ત્રણ વાહનોની ટક્કરમાં તેમને સામાન્ય ઈજાઓ પહોંચી હતી. પોલીસના જણાવ્યા પ્રમાણે મલાઈકાને સારવાર માટે નવી મુંબઈની એપોલો હોસ્પિટલમાં લઈ જવામાં આવી હતી. પોલીસે હાલ આ ઘટનાની તપાસ હાથ ધરી છે. તપાસ બાદ આ કેસમાં એફઆઈઆર દાખલ કરવામાં આવશે. શનિવારે બપોરે મલાઇકા એક ફેશન ઇવેન્ટમાં ભાગ લેવા ગઇ હતી. તેણે તેની ઇન્સ્ટા સ્ટોરી પર આ ઇવેન્ટની તસવીરો અને વીડિયો પણ શેર કર્યા હતા.
શું બન્યું
મુંબઈ-પુણે એક્સપ્રેક્સ વે પર અકસ્માત સંભવિત ઝોનમાં 38 કિમીના પોઈન્ટ પર મલાઈકાની ગાડી બે ગાડીઓ સાથે જોરદાર અથડાઈ હતી આને કારણે ત્રણેય ગાડીઓ એકબીજા પર ચડી ગઈ હતી અને ત્રણેય ગાડીઓને નાના મોટું નુકશાન આવ્યું છે. ઘટના બાદ બાકીની બે ગાડીઓના માલિકો રફુચક્કર થઈ હતા. ત્રણે ગાડી ચાલકોને નાની મોટી ઈજા થઈ હોવાનું કહેવાય છે.
ત્રણ ગાડીઓ એકબીજા પર ચડી ગઈ
ખાપોલી પોલીસ સ્ટેશનના ઈન્સપેક્ટર હરેશ કાલસેકરે કહ્યું કે મલાઈકાની રેન્જ રોવર કાર બે ગાડીઓ સાથે અથડાઈ હતી.અમને ત્રણેય કારના રજિસ્ટ્રેશન નંબર મળ્યાં છે અને ખરેખર શું થયું હતું તેની જાણકારી માટે અમે ગાડી માલિકોનો સંપર્ક સાધીશું. હાલમાં પણ નામજોગ ફરિયાદ દાખલ કરી છે પરંતુ તપાસ બાદ એફઆઈઆર દાખલ કરવામાં આવશે કે વાંક ખરેખર કોનો હતો.
મલાઈકાના ચાહકોમાં ચિંતાનું મોજુ
મલાઈકાને અકસ્માત થયો હોવાની ખબર સામે આવતા ચાહકોમાં ચિંતાનું મોજૂ ફરી વળ્યું હતું. લોકોને તેના જલદી સાજા થવાની શુભકામના પાઠવી હતી.
મલાઇકા બોલિવૂડનો જાણીતો ચહેરો
મલાઇકા બોલિવૂડનો જાણીતો ચહેરો છે. ફિલ્મોમાં તેમણે ઘણા આઈટમ નંબર આપ્યા છે. આ સિવાય તે ટીવી શોને જજ કરતી જોવા મળી રહી છે. ફેશન દિવા કહેવાતી મલાઈકા પોતાના જિમ લુકથી લઈને એરપોર્ટ લુક સુધી દરેક વસ્તુ માટે ફેમસ છે.મલાઈકાની પર્સનલ લાઈફની વાત કરીએ તો 48 વર્ષીય એક્ટ્રેસ અર્જુન કપૂરને ડેટ કરી રહી છે. બંને લાંબા સમયથી રિલેશનશિપમાં છે. તેને તેના પૂર્વ પતિ અરબાઝ ખાનથી એક પુત્ર અરહાન ખાન છે. તેના પુત્રની કસ્ટડી મલાઈકા પાસે છે.