બોલિવુડ એક્ટ્રેસ જહાન્વી કપૂર સોશ્યલ મીડિયા પર એક્ટિવ છે.
જહાન્વી ફોટોઝ અને વીડિયોઝ સતત સોશ્યલ મીડિયા એકાઉન્ટ પર શૅર કરતી રહે છે. જહાન્વીએ તાજેતરમાં એક ડાન્સિંગ વીડિયો પોતાના ઇન્સ્ટાગ્રામ પર શૅર કર્યો છે જે ખૂબ જ વાયરલ થઇ રહ્યો છે.
જહાન્વીએ આ વીડિયો પોતાના ઇન્સ્ટા સ્ટોરી પર શૅર કર્યો છે, આ વીડિયોમાં તે વ્હાઇટ કલરના શોર્ટ્સ અને પિંક કલરના ટૉપમાં જોવા મળી રહી છે. વીડિયોની ખાસ વાત છે કે તેમાં જહાન્વી બેલી ડાન્સ કરી રહી છે. જહાન્વી કોઇ બોલિવુડ સોંગ પર નહી પરંતુ રિયાલિટી શો ડાન્સ દિવાનેના ટાઇટલ ટ્રેક પર બૈલી ડાન્સ કરી રહી છે.
વાસ્તવમાં ડાન્સ દિવાનેના જજ શંશાક ખૈતાન તેણે ચેલેન્જ આપી હતી જેને જહાન્વીએ પૂરી કરી છે. વીડિયો શૅર કરતા જહાન્વીએ શંશાકને થેંક યૂ પણ કહ્યુ. જહાન્વીએ વીડિયો શૅર કરતા લખ્યુ કે, ‘"Belly dance warm up to #DanceDeewane. thankyou Shashank Khaitan for this challenge!!"।
વર્કફ્રન્ટની વાત કરવામાં આવે તો જહાન્વીએ ઇશાન ખટ્ટરની સાથે ફિલ્મ 'ધડક'થી બોલિવુડમાં ડેબ્યૂ કર્યુ હતુ. હાલમાં તે પોતાની અપકમિંગ ફિલ્મ 'તખ્ત' માટે શૂટિંગ કરી રહી છે. આ ફિલ્મમાં તેની સાથે રણવીર સિંહ, આલિયા ભટ્ટ, કરિના કપૂર ખાન અને વિકી કૌશલ જોવા મળશે. આ સિવાય જહાન્વીએ રાજ કુમાર રાવ સાથે હોરર કોમેડી ફિલ્મ ‘રૂહી અફઝા’ ફિલ્મનું શૂટિંગ શરૂ કર્યુ છે.