આયુષ્માન ખુરાનાની ફિલ્મ ડ્રીમ ગર્લમાં કામ કરી ચૂકેલી એક્ટ્રેસ રિંકુ સિંહ નિકુંભનું કોરોનાના કારણે નિધન થયુ છે. તેણે છેલ્લીવાર હેલો ચાર્લીમાં નજર આવી હતી અને વિસ્લિંગવૂડથી પોસ્ટગ્રેજ્યુએશન કર્યુ હતું.
રિંકુની કઝીન ચંદાએ કહ્યું કે, 25 મેના રોજ તેનો રિપોર્ટ પોઝીટીવ આવ્યો હતો અને તે ઘરમાં જ ક્વોરંટાઇન હતી. તેનો તાવ ઉતરતો નહોતો. બાદમાં તેને હોસ્પિટલમાં દાખલ કરવામાં આવી હતી. શરૂઆતમાં તે જનરલ કોવિડ વોર્ડમાં જ રહી હતી.
ICUમાં શિફ્ટ કરવામાં આવી
ચંદા સિંહે કહ્યું કે, જનરલ વોર્ડમાંથી તેને ICUમાં શિફ્ટ કરવામાં આવી હતી અને જે દિવસે તેનુ નિધન થયુ તે દિવસે પણ તે સ્વસ્થ હતી. છેલ્લે તેણે આશા છોડી દીધી હતી કે તે સર્વાઇવ નહી કરી શકે. તે અસ્થમાની પેશન્ટ હતી. તેણે કોવેક્સિનનો પહેલો ડોઝ પણ લીધો હતો અને જલ્દી જ બીજો ડોઝ પણ લેવાની હતી.
રિંકુ ઘણી જ ખુશમિજાજ છોકરી હતી અને એનર્જીથી ભરપૂર હતી. તે જ્યારે હોસ્પિટલમાં દાખલ હતી ત્યારે પણ લોકોની મદદ કરી રહી હતી. તે ઘરમાં જ સંક્રમિત થઇ હતી અને તેના ઘરમાં ઘણા લોકોનો રિપોર્ટ પોઝીટીવ આવ્યો હતો. જે હજુ પણ રિકવર નથી થઇ શક્યા.