ચૂંટણી / આવતીકાલે આ ત્રણ શહેરોમાં ગુજરાતી બૉલીવુડ એક્ટ્રેસ કરશે પ્રચાર, જુઓ કોના માટે?

લોકસભા ચૂંટણીને ગણતરીની જ કલાકો બાકી છે ત્યારે ચૂંટણી પ્રચારના અંતિમ દિવસે કોંગ્રેસ અંતિમ ઘડી સુધી પ્રચાર કરશે. ગુજરાતમાં લોકસભા માટે પ્રચારનો આવતીકાલે અંતિમ દિવસ છે ત્યારે ફિલ્મ અભિનેત્રી અને કોંગ્રેસના સ્ટાર પ્રચારક અમિષા પટેલ પ્રચારમાં જોડાશે. કાલે ત્રણ શહેરોમાં અમિષા પટેલ કોંગ્રેસ માટે પ્રચાર કરશે. અમિષા પટેલ ભરૂચ, વડોદરા અને ભાવનગરમાં કોંગ્રેસ માટે પ્રચાર કરશે.
આ ઉપરાંત રાજસ્થાનના મુખ્યમંત્રી અશોક ગેહલોત પણ પ્રચારમાં જોડાશે. અશોક ગેહલોત બનાસકાંઠાના ડીસામાં સભાને સંબોધશે. તો અમિત ચાવડા અને રાજીવ સાતવ પણ બનાસકાંઠામાં પ્રચાર કરશે.
કોંગ્રેસના સ્ટાર પ્રચારક હાર્દિક પટેલ મોરબીમાં અને તાલાળાના આંકોલવાડીમાં જાહેરસભામાં હાજર રહેશે. જ્યારે NSUIના રાષ્ટ્રીય અધ્યક્ષ નિરજ કુંદન પણ ગુજરાતની મુલાકાતે છે. તેઓ અમદાવાદ પશ્ચિમના ઉમેદવાર રાજુ પરમાર માટે પ્રચાર કરશે. નિરજ કુંદન અમદાવાદમાં પદાયાત્રા પણ કરશે અને તેમાં NSUIના કાર્યકર્તાઓ પણ જોડાશે.
બીજી તરફ, ભાજપના નેતા પરેશ રાવલ લોકસભાના ઉમેદવાર માટે સંબોધન કરશે. તો રાજકોટમાં મોહન કુંડારીયા અને કુંવરજી બાવળીયાનો પણ રોડ શો યોજાશે. જ્યારે પાટણમાં હિતુ કનોડીયા પ્રચાર કરશે.