કોરોના વાયરસ / અમિતાભ બચ્ચન બાદ દીકરા અભિષેક બચ્ચનનો પણ કોરોના રિપોર્ટ પોઝિટિવ, જયા બચ્ચનનો રિપોર્ટ નેગેટિવ

• અભિષેક બચ્ચન અને અમિતાભ બચ્ચન કોરોના પોઝિટિવ
• મુંબઇની નાણાવટી હોસ્પિટલમાં કરાયા દાખલ
• બન્નેએ ટ્વિટ કરી આપી જાણકારી

અમિતાભ બચ્ચન અને અભિષેક બચ્ચનને કોરોના પોઝિટિવ આવતા પરિવારના તમામ લોકોનો કોરોના ટેસ્ટ કરાયો છે. જેમાં એશ્વર્યા રાય બચ્ચન અને આરાધ્યાનો પણ કોરોના રિપોર્ટ પોઝિટિવ આવ્યો છે. જ્યારે જયા બચ્ચનનો કોરોના નેગેટિવ આવ્યા છે. તો સંપર્કમાં આવેલા તમામને કોરોના ટેસ્ટ કરાવવા અપીલ કરી છે.

અભિષેક બચ્ચને આ અંગે ટ્વિટ કરીને માહિતી આપી

અભિષેક બચ્ચને ટ્વિટ કરીને કહ્યું કે, મારો અને મારા પિતાનો કોવિડ 19નો ટેસ્ટ પોઝિટિવ આવ્યો હતો. હળવા લક્ષણોવાળા સાથે અમારા બન્નેને હોસ્પિટલમાં દાખલ કરવામાં આવ્યા છે. અમારા પરિવાર અને કર્મચારીઓનું તમામનો ટેસ્ટ કરવામાં આવી રહ્યો છે. હું તમામને વિનંતી કરું છું કે ગભરાશો નહીં શાંત રહો. આભાર.

Earlier today both my father and I tested positive for COVID 19. Both of us having mild symptoms have been admitted to hospital. We have informed all the required authorities and our family and staff are all being tested. I request all to stay calm and not panic. Thank you. 🙏🏽

— Abhishek Bachchan (@juniorbachchan) July 11, 2020

અમિતાભ બચ્ચને ટ્વિટ કરીને આપી જાણકારી 

ઉલ્લેખનીય છે કે, તેમણે ખુદ ટ્વીટ કરીને આ અંગે માહિતી આપી હતી કે, તેમને મુંબઈની નાણાવટી હોસ્પિટલમાં દાખલ કરવામાં આવ્યા છે. અમિતાભે પોતાના ટ્વિટમાં લખ્યું છે કે તેમના પરિવાર અને સ્ટાફની પણ કોરોના વાયરસ માટે પરીક્ષણ કરવામાં આવ્યું છે, જેના રિપોર્ટની રાહ જોવામાં આવી રહી છે.

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020

તેમના સંપર્કમાં આવેલા લોકોને ટેસ્ટ કરાવવા કરી અપીલ 

અમિતાભ બચ્ચને પોતાના ટ્વીટર એકાઉન્ટ પર અપીલ કરતા જણાવ્યું હતું કે, છેલ્લા 10 દિવસમાં જે લોકો મારા સંપર્કમાં આવ્યા હોય તે તમામ લોકો કોરોનાનો ટેસ્ટ તાત્કાલિક કરાવી લે.  

કૌન બનેગા કરોડપતિ'ની 12 મી સિઝનની તૈયારીમાં વ્યસ્ત છે બીગ બી

આપને જણાવી દઈએ કે તાજેતરમાં અમિતાભ બચ્ચન હાલ ખૂબ જ જાણીતા ગેમ શો 'કૌન બનેગા કરોડપતિ'ની 12 મી સિઝનની તૈયારીમાં વ્યસ્ત છે. ઉલ્લેખનીય છે કે, આ પહેલા પણ 77 વર્ષીય અમિતાભ બચ્ચનને રૂટિન તપાસ માટે હોસ્પિટલમાં દાખલ કરવામાં આવ્યા હતા.