IPLIN
 

મુંબઇ / બૉલીવુડને મોટો ઝટકો, શાહરૂખ અને અક્ષય સાથે કામ કરી ચૂકેલી હસ્તીનું થયું નિધન

Team VTV 09:57 PM, 27 Jul 20
Follow us
bollywood action director parvez khan died of heart attack

ઍક્શન ડિરેક્ટર પરવેઝ ખાનનું હૃદયરોગના હુમલાને કારણે અવસાન થયું છે. તેઓ 55 વર્ષના હતા. છેલ્લા ઘણાં વર્ષોથી તેઓ ઈન્ડસ્ટ્રીમાં સક્રિય હતો અને આ દરમિયાન તેમણે અક્ષય કુમાર, શાહરૂખ ખાન જેવા સ્ટાર્સ સાથે વરુણ ધવન અને આયુષ્માન ખુરાના જેવા યુવા સ્ટાર્સ સાથે પણ કામ કર્યું હતું.

  • ઍક્શન ડિરેક્ટર પરવેઝ ખાનનું હૃદયરોગના હુમલાથી નિધન
  • અક્ષય કુમાર, શાહરૂખ ખાન જેવા સ્ટાર્સ સાથે કર્યું છે કામ 

બોલીવુડના એક્શન ડિરેક્ટર પરવેઝ ખાનનું હૃદયરોગના હુમલાને કારણે અવસાન થયું છે. તેઓ 55 વર્ષનો હતા. તેમણે શ્રીરામ રાઘવન સાથે સુપરહિટ ફિલ્મો અંધાધૂન અને બદલાપુરમાં પણ કામ કર્યું હતું. લાંબા સમયથી પરવેઝ સાથે કામ કરી રહેલા નિશાંત ખાને પીટીઆઈને જણાવ્યું હતું કે પરવેઝને છાતીમાં ભારે દુઃખાવાની ફરિયાદ થઈ હતી, ત્યારબાદ તેમને મુંબઈની રૂબી હોસ્પિટલમાં લઈ જવામાં આવ્યા હતા.

હાર્ટ એટેક આવ્યો હતો અને હોસ્પિટલમાં પહોંચતા જ તેમને મૃત જાહેર કરાયા

નિશાંતે કહ્યું કે સોમવારે સવારે તેમને હાર્ટ એટેક આવ્યો હતો અને હોસ્પિટલમાં પહોંચતા જ તેમને મૃત જાહેર કરાયા હતા. તેમને અન્ય કોઈ સ્વાસ્થ્ય સમસ્યા નહોતી પરંતુ રવિવારે રાત્રે છાતીમાં દુખાવો થઈ રહ્યો હતો. ફિલ્મ નિર્માતા હંસલ મહેતાએ પરવેઝ ખાન સાથે ફિલ્મ શાહિદમાં કામ કર્યું છે. વર્ષ 2013 માં રાજકુમાર રાવે મુખ્ય ભૂમિકા ભજવી હતી અને આ ફિલ્મે રાષ્ટ્રીય એવોર્ડ પણ જીત્યો હતો.

હંસલ મહેતા ટ્વીટ કરી આપી માહિતી

હંસલ મહેતા ટ્વીટ કરતા કહ્યું- એવું સાંભળ્યું છે કે પરવેઝ ખાને આ દુનિયાને અલવિદા કહ્યું છે. અમે બંનેએ શાહિદ ફિલ્મમાં સાથે કામ કર્યું હતું. તેણે માત્ર એક સિંગલ ટેકમાં રમખાણોની સીકવેન્સ શૂટ કરાવી દીધી હતી. તે ઘણો કુશળ અને એનર્જીથી ભરપૂર વ્યક્તિ હતો. તમારો અવાજ હજુ પણ મારા કાનમાં ગૂંજે છે.

અક્ષય કુમાર અને શાહરૂખ ખાન સાથે કર્યું છે કામ 

ઉલ્લેખનીય છે કે પરવેઝે તેની કારકિર્દીની શરૂઆત એક્શન ડિરેક્ટર અકબર બક્ષીના આસિસ્ટન્ટ સાથે કરી હતી. અક્ષય કુમારની ફિલ્મ ખિલાડી, શાહરૂખ ખાનની ફિલ્મ બાઝીગર અને બોબી દેઓલની ફિલ્મ સોલ્જરમાં તેમણે અકબરને આસિસ્ટ કર્યા હતા.

અબ તક છપ્પન જેવી ફિલ્મ બનાવી છે 

આ પછી, વર્ષ 2004 માં, તેમણે રામ ગોપાલ વર્માની ફિલ્મ અબ તક છપ્પનની સાથે સ્વતંત્ર રીતે કામ શરૂ કર્યુ હતું. આ પછી, તેમણે શ્રીરામ રાઘવનની જોની ગદ્દાર, એજન્ટ વિનોદ, બદલાપુર અને અંધાધૂન સહિતની ફિલ્મોમાં કામ કર્યુ હતું.

Bollywood action director parvez khan વરુણ ધવન શાહરૂખ ખાન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ