આણંદમાંથી રાજ્યવ્યાપી RC બુકનું કૌભાંડ ઝડપાયું છે.જેમાં પોલીસે બે શખ્સો પાસેથી 1252 જેટલી બોગસ RC બુક પણ જપ્ત કરવામાં આવી છે
પોલીસે આરોપી પાસેથી 1252 બોગસ RC બુક જપ્ત કરી
આરોપી બોગસ RC બુકને રૂ.2500થી 3000માં વેચતો હતો
બે આરોપી પૈકી એક આરોપી બનાસકાંઠાનો છે
આણંદમાંથી ઝડપાયું બોગસ RC બુકનું રાજ્ય વ્યાપી કૌભાંડ
રાજ્યમાં RTOમાં વ્યાપક ભ્રષ્ટાચાર અને ગેરરીતિની બુમો અવાર- નવાર ઉઠતી રહે છે.પરંતુ આ ભ્રષ્ટતા છેડા એટલા લાંબા હોય છે તેને અટકાવવો એ એક મોટો પડકાર છે. ત્યારે આણંદ LCB પોલીસે RTOઓ એજન્ટોનું કામ કરતા 2 ઇસમોને ઝડપી બોગસ RC બુકોનું રાજ્ય વ્યાપી કૈભાંડનો પર્દાફાશ કર્યો છે. આ અંગે નકલી RC બુકો દ્વારા કેટલા વાહનોની લે-વેચ થઈ છે. તેમજ વાહન ફાઈનાન્સ કંપનીઓ અને તેની એજન્સીઓ દ્વારા પણ આ તત્વોનો ઉપયોગ કરી બોગસ RC બુકોથી વેપાર કર્યો છે કે કેમ? તે અંગે પણ વધુ તપાસ હાથ ધરાઈ છે.
કેવી રીતે ઝડપાયું આ કૌભાંડ ?
4 સપ્ટેમ્બર 2021 ના રોજ આણંદ LCB પોલીસને બાતમી મળી હતી કે, ઉમરેઠના ગુલામમોહંમદ પાસેથી અલગ અલગ RTO ની કુલ 16 RC બુકો મળી આવેલી. જેથી પકડેલી RC બુકો બાબતે ખાત્રી તપાસ કરવી જરૂરી હોઇ જેથી જાણવા જોગ દાખલ કરી તપાસ હાથ ધરાઈ હતી. આ તપાસ દરમ્યાન ઝડપાયેલા ઈસમ પાસેથી મળેલી RC બુકોને અમદાવાદ ખાતેના RC બુક સેન્ટર, કચેરીમાં ચીપ રીડર મારફતે ખાતરી તપાસ કરાવતા તમામ સ્માર્ટ કાર્ડ ચિપમાં રહેલી માહિતી તથા કાર્ડ ઉપર છાપેલી માહિતી અલગ અલગ હોવાનુ જણાઇ આવ્યું હતું.
કેવી રીતે બનાવતા હતાં બોગસ RC બુક
આ મામલે LCB પોલીસે ઘનિષ્ટ પૂછપરછ કરતા આબનાવટી આર.સી. બુકો બનાસકાંઠાના વડગામ તાલુકાના રજોસણા ગામે રહેતા તારીફ અબ્દુલહમીદ માકણોજીયા દ્વારા તૈયાર કરવામાં આવી હતી. જેથી તેની પૂછપરછ કરતા તેણે કબૂલ્યું કે, આ તમામ સ્માર્ટ કાર્ડ પોતાના લેપટોપમાં છાપી પ્રિન્ટરથી કોપી કાઢી હોવાની રાજ્યના ઓળખીતા એજન્ટોને વેચતો હતો. જે આધારે આણંદ ટાઉન પોલીસે 8 સપ્ટેમ્બર 2021ના રોજ ગુનો નોંધી વધુ તપાસ હાથ ધરી હતી.