વડોદરા: બોગસ CCC સર્ટીફિકેટ બનાવતી સંસ્થા પર પોલીસના દરોડા 2 ઝડપાયા

વડોદરામાંથી બોગસ CCC સર્ટીફિકેટ બનાવવાનું કૌભાંડ ઝડપાયું છે. પોલીસે રાવપુરા વિસ્તારમાં ચલાવવામાં આવતા કૌભાંડનો પર્દાફાશ કર્યો હતો. છેલ્લા ઘણા સમયથી ઓલ ઈન્ડિયા ઈન્ફોટેકના નામે રાવપુરા વિસ્તારમાં સંસ્થા ચાલતી હતી.

જેની જાણ થતા પાણીગેટ પોલીસ સંસ્થા પર દરોડા પાડ્યા હતા. પોલીસે દરોડા પાડીને 2 આરોપીઓની ધરપકડ પણ કરી હતી. આ આરોપીઓ 700 રૂપિયા લઈને સર્ટિફિકેટ બનાવતા હતા.

મહત્વનું છે કે સરકારી નોકરી મેળવવા અથવા નોકરીમાં પ્રમોશન માટે CCC સર્ટીફિકેટ જરૂરી હોય છે અને આ સંસ્થા દ્વારા બોગસ સર્ટિફિકેટ બનાવી આપવામાં આવતું હતું. જેની જાણ થતા પોલીસે ડમી ગ્રાહત મોકલીને કૌભાંડનો પર્દાફાશ થયો છે.   

આપને જણાવી દઇએ કે આ પહેલા પણ રાજ્યના ઘણા સ્થળે નકલી CCC સર્ટીફિકેટ બનાવવાના કૌભાંડ સામે આવ્યા છે ત્યારે આજરોજ વધુ એક કૌભાંડ સામે આવ્યું હતું. જેમાં ઓલ ઈન્ડિયા ઈન્ફોટેકના નામે ચાલતી એક સંસ્થા પર પોલીસે દરોડા પાડીને 2 લોકોની ધરપકડ કરી હતી. આ શખ્સો 700 રૂપિયામાં ડમી CCC સર્ટીફિકેટ બનાવી આપતા હતા.

ક્યાં થાય છે  CCC કોર્સ ?    
કોઈ પણ સરકારી કોમ્પ્યુટર ક્લાસમાં કોર્સ કરી શકાય છે. 
2થી 3 હજાર રૂપિયા સુધીમાં કોર્સ થાય છે.
ઓનલાઈન વેબસાઈટથી પણ કોર્સ કરી શકાય છે. 
NIELITની વેબસાઈટ પરથી ઓનલાઈન કોર્સ થાય છે.
WWW.STUDENT.NIELIT.IN પરથી ઓનલાઈન કોર્સ કરી શકાય છે.