અમેરિકાની સૌથી મોટી બેન્ક ઓફ અમેરિકાએ ભારતીય અર્થતંત્રને મજબૂત ગણાવીને જણાવ્યું છે કે હવે ભારતીય અર્થતંત્રમાં વપરાશ વધી રહ્યો છે. બેન્ક ઓફ અમેરિકાના સીઇઓ બ્રાયન ટી. મોયનિહાને જણાવ્યું છે કે 2020માં ભારતનો આર્થિક વૃદ્ધિ દર 6 ટકા રહેવાનું અનુમાન છે.
અમેરિકાએ કહ્યું, ભારતીય અર્થતંત્ર મજબૂત
ભારતનો આર્થિક વૃદ્ધિ દર 6 ટકા રહેવાનું અનુમાન
ઇન્ડસ્ટ્રી 3.5 ટકાનો વિકાસદર હાંસલ કરી શકશે
મોયનિહાને જણાવ્યું છે કે ભારત પાસે યુવા વસ્તી અને ટેલેન્ટ પુલ છે અને તેમની ક્ષમતાનો હજુ મહત્તમ ઉપયોગ થયો નથી. તેમણે જણાવ્યું હતું કે ભારતમાં વપરાશ સતત વધી રહ્યો છે તેથી તેની સ્થિતિ હવે વધુ સારી છે. તેમણે ગ્લોબલ ઇકોનોમીનો વૃદ્ધિદર 3.2 ટકા અને અમેરિકાની આર્થિક વૃદ્ધિ 1.7 ટકા રહેવાનું અનુમાન વ્યક્ત કર્યું છે.
દરમિયાન ઉદ્યોગ સંગઠન ફેડરેશન ઓફ ઇન્ડિયન ચેમ્બર્સ ઓફ કોમર્સ એન્ડ ઇન્ડસ્ટ્રી (ફિક્કી)એ વર્તમાન નાણાકીય વર્ષ 2019-20માં 5 ટકા વિકાસદર રહેવાનું અનુમાન વ્યક્ત કર્યું છે. ફિક્કીએ આશા વ્યક્ત કરી છે કે આગળની સ્થિતિ બહેતર રહેશે અને 2020-21માં દેશનો વિકાસદર 5.5 ટકાના દરે પહોંચી શકે છે.
સંગઠનના સર્વે અનુસાર વર્તમાન નાણાકીય વર્ષમાં કૃષિ અને સંલગ્ન સેવાઓ 2.6 ટકાના દરે આગળ વધશે, જ્યારે ઇન્ડસ્ટ્રી 3.5 ટકાનો વિકાસદર હાંસલ કરી શકે છે. સર્વિસ સેક્ટરનો ગ્રોથ 7.2 ટકા રહેશે.