વિવાદનું બીજું નામ બનેલા ગુરુગ્રામના રહેવાશી બોબી કટારીયાએ આ વખતે ફ્લાઈટમાં એક જોખમી હરકત કરીને નવો મોટો વિવાદ પેદા કર્યો છે.
વિવાદોના બાદશાહ ગુરુગ્રામનો બોબી કટારીયાએ તોડી તમામ મર્યાદા
વિમાનમાં સિગારેટ ફૂંકતો ઝડપાયો
વીડિયો વાયરલ થતા ઉડ્ડયન મંત્રી સિંધિયાએ કરી લાલ આંખ
કહ્યું- આવી જોખમી હરકત સાંખી નહીં લેવાય
સોશિયલ મીડિયા પર ફેમસ થઈ જવાની ધૂનમાં લોકો જોખમી કામ કરી નાખતા હોય છે આ બધામાં ભોગવવાનો વારો સામાન્ય લોકોને આવે છે પરંતુ આવા લોકો એક પ્રકારની માનસિક વિકૃતીથી પીડાતા હોય છે અને આવી વધુ એક ઘટના બની છે.
ગુરુગ્રામના બોબી કટારિયાએ ફ્લાઈટમાં ફૂંકી સિગારેટ
ગુરુગ્રામના રહેવાસી બોબી કટારિયાનો વિમાનની અંદર સિગરેટ પીતો એક વીડિયો વાયરલ થયો છે. સુરક્ષા ભંગનો આ ગંભીર મામલો છે. સેંકડો મુસાફરોના જીવન સાથે રમવાનો વીડિયો વાયરલ થયો હતો. આવી સ્થિતિમાં, પ્રશ્ન એ ઉભો થાય છે કે વિમાનમાં સુરક્ષા હોવા છતાં, લાઇટર અને સિગારેટ કેવી રીતે પહોંચી?
નાગરિક ઉડ્ડયન મંત્રી સિંધિયાએ આપ્યો તપાસનો આદેશ
બોબી કટારિયાનો સિગારેટ ફૂંકતો વીડિયો વાયરલ થતા બાદ કેન્દ્રીય નાગરિક ઉડ્ડયન મંત્રી પણ ગુસ્સે ભરાયા હતા અને તેમણે આ ઘટનાની તપાસનો આદેશ આપ્યો હતો. તેમણે કહ્યું કે આવી જોખમી ઘટનાને કદી પણ સાંખી નહીં લેવામાં આવે.
Investigating it. There will be no tolerance towards such hazardous behaviour: Civil Aviation Minister Jyotiraditya Scindia on the viral video of a man smoking inside a flight
બોબી કટારિયા એટલે વિવાદનું બીજું નામ
સોશિયલ મીડિયા પર વાયરલ થયેલા બોબી કટારિયાના વીડિયો પર અનેક સવાલો ઉઠી રહ્યા છે. નોંધપાત્ર વાત એ છે કે બોબી કટારિયા અગાઉ પણ વિવાદમાં રહી ચૂક્યો છે. બોબી કટારિયા એક સમયે ગુરુગ્રામના પોલીસ અધિકારીઓને ગાળો ભાંડતા હતા અને હવે વિમાનમાં સિગરેટ પીતો વીડિયો વાયરલ થયો છે. આના પર સોશિયલ મીડિયામાં બોબી પર એક્શનની માંગ ઉઠી રહી છે.
બોબી કટારિયાએ રસ્તા પર પીધો હતો દારુ
ગુરુગ્રામના રહેવાસી બોબી કટારિયા હંમેશા વિવાદોમાં રહે છે. વિમાનમાં સિગરેટ પીતો તેનો વીડિયો વાયરલ થયો હતો એટલું જ નહીં, રસ્તા પર ખુલ્લેઆમ દારૂ પીતો હોય તેવી તસવીર પણ વાયરલ થઇ હતી, જે બાદ ઉત્તરાખંડના ડીજીપીએ તપાસના આદેશ આપ્યા હતા. આ કેસની તપાસ એસએસપી દેહરાદૂનને આપવામાં આવી છે.
પોલીસે જેલમાં પણ ધકેલી દીધો હતો પરંતુ છૂટીને આવ્યાં બાદ ફરી કરવા લાગ્યો ખોટા કામ
બોબી કટારિયા સતત કાયદાનો ભંગ કરીને સોશિયલ મીડિયા પર ફેમસ થવાનો પ્રયાસ કરે છે. ગુરૂગ્રામ પોલીસે પણ તેને જેલમાં મોકલી દીધો હતો, પરંતુ જેલમાંથી બહાર આવ્યા બાદ તે ફરીથી આવા કૃત્યો કરવા લાગ્યો હતો, જેથી તે સોશિયલ મીડિયામાં હેડલાઇન્સ બનાવતો રહ્યો, પરંતુ સૌથી મહત્વનો સવાલ વિમાનની અંદર સિગરેટ પીવાનો છે.