સુરત શહેર પોલીસ ધીમે ધીમે હવે ટેક્નોલોજીના ઉપયોગ તરફ આગળ વધી રહી છે, અને એક નવતર પ્રયોગ શરૂ કરવાની કવાયત હાથ ધરી છે. સુરત શહેરના કતારગામ પોલીસ સ્ટેશનના પોલીસ કર્મીઓને હવે બોડી વોર્ન કેમેરાથી સજ્જ કરવામાં આવશે આ તમામ કર્મીઓ જ્યારે પેટ્રોલીંગમાં હોય ત્યારે ઉચ્ચ અધિકારીઓ કાયદો અને વ્યવસ્થાની સ્થિતિને ઓફિસમાં બેઠા બેઠા મોનિટરીંગ કરી શકશે. હાલતો ફક્ત કતારગામ પોલીસ સ્ટેશન માટે જ કેમેરા લેવાયા છે પરંતુ ધીમે ધીમે સમગ્ર શહેરના તમામ પોલીસ સ્ટેશનોને આ કેમરાથી સજ્જ કરાશે.
તમામ પોલીસ કર્મચારીઓના ખભા પાસે એક કાળા કલરનું યુનિટ લાગેલું છે. શું આપ જાણો છો આ યુનિટ શા માટે છે. આ યુનિટ શું છે તો જાણો આ યુનિટનું નામ છે બોડી વોર્ન કેમેરા. (Body Worn Camera) આ કેમરા જીપીએસ અને ઇન્ટરનેટથી જોડાયેલા છે, આ ઉપરાંત આ કેમેરાથી લાઇવ વિડિયો સ્ટ્રિમિંગ પણ થઇ શકે. આમ તો સુરત (surat) શહેરના મોટાભાગના વિસ્તારો સીસીટીવીથી સજ્જ છે. પરંતુ કેટલાક એવા સ્પોટ હોય છે જ્યાં સીસીટીવીન હોવાને કારણે પોલીસને સર્વેલન્સમાં તકલીફ પડતી હોય છે. પોલીસ દ્વારા આ કેમેરાના ઉપયોગ થકીથી શહેરના અંદરના વિસ્તારોનું પણ સર્વેલન્સ શકય બનશે આ ઉપરાંત પોલીસ કર્મચારી જ્યારે કોઇ મોટી દુર્ઘટના વખતે સ્થળ ઉપર હાજર હોય ત્યારે ઉચ્ચ અધિકારીઓ આ કર્મચારીના કેમેરા થકી સમગ્ર ઘટના ઉપર બાજ નજર રાખી શકશે.
સુરત શહેર પોલીસ દ્વારા આ નવતર પ્રયોગના ભાગરૂપે હાલ 5 જેટલા બોડીવોર્ન કેમેરા ખરીદી કર્યા છે. સુરત શહેર પોલીસ દ્વારા જે કતારગામ પોલીસ બનાવવામાં આવ્યું છે તે પોલીસ સ્ટેશન પણ ભારતનું પ્રથમ સ્માર્ટ પોલીસ સ્ટેશન (Katargam Police Station) છે. આ પોલીસ સ્ટેશનમાં કામ પણ સ્માર્ટ જ કરવામાં આવી રહ્યું છે. ત્યારે આગામી દિવસોમાં આવતા ગણેશ વિસર્જન વખતે ભીડભાડ વાળા વિસ્તારમાં આ કેમેરાથી સમગ્ર પરિસ્થિતિનું નિરિક્ષણ કરી શકાશે.
આ ઉપરાંત જો મહત્વની વાત કરવામાં આવે તો આ કેમેરામાં કેટલાક ફીચર એવા છે કે તમામ હીસ્ટ્રીશીટર હોય કે વોન્ટેડ આરોપી હોય તેમના ફોટો સ્કેન કરી આ કેમેરા સાથે અટેચ કરી દેવામાં આવશે એટલે કે ફેસ ડીટેક્શન પદ્ધિતિથી આ કેમેરા આરોપીને શોધી આપવાનું કામ પણ કરશે આ ઉપરાંત ચોરીના વાહનો પસાર થાય તો નંબર પ્લેટ સ્કેન કરી તુરત જ મેસેજ આપશે. આ ઉપરાંત મિસિંગ બાળકોને શોધવામાં પણ આ કેમેરા મદદરૂપ થઇ શકશે. સુરત શહેર પોલીસ રાજ્યમાં પ્રથમ વખત આ કેમેરા થકીથી સર્વેલન્સ ચાલુ કરવા જઇ રહી છે ત્યારે રાજ્યના અન્ય શહેરો જેવા કે અમદાવાદ, વડોદરા રાજકોટ જેવા શહેરો એ પણ કેમેરા થકી સર્વેલન્સ કરવું જરૂરી છે.