નડિયાદમાં 3 દિવસ અગાઉ નહેરમાં પડેલા યુવકનો મળી આવ્યો મૃતદેહ

નડિયાદઃ એક યુવકે પોતાની આર્થિક પરિસ્થિતિથી કંટાળીને આત્મહત્યા કરી છે. મળતી માહિતી પ્રમાણે ત્રણ દિવસ પહેલા કલ્પેશ નામના યુવાને નહેરમાં જંપલાવ્યું હતું. જેનો આજે મૃતદેહ મળી આવ્યો છે.

જોકે કલ્પેશની આત્મહત્યાને લઈને તેના પરિવારજનો દ્વારા હોબાળો પણ મચાવવામાં આવ્યો હતો. કલ્પેશના પરિવારજનોનું જણાવવું છે કે કલ્પેશ તેના બંને દિકરાઓમાંથી એકને ડોક્ટર અને બીજાને દેશની સેવા કરવા માટે મોકલવા માગતો હતો.

પરંતુ તેના મોટા દિકરાને અસ્થમાની બિમારી છે. તેની આર્થિક પરિસ્થિત નબળી હોવાળા કારણે તે દિકરાની સારવાર કરાવી શકે તેમ ન હતો. જેથી તેણે સરકાર પાસે આર્થિક સહાય માટે અપીલ કરી હતી. પરંતુ સરકાર તરફની કોઈપણ પ્રકારની સહાય ન મળતા તેણે આત્મહત્યા કરી લીધી છે.