રેલવે સ્ટેશન પર તાત્કાલિક મેડિકલ રિપોર્ટ્સ આપવા માટે ભારતીય રેલવેએ હેલ્થ એટીએમની શરૂઆત કરી છે. રેલવેની આ પહેલ બાદ કેટલાય પ્રવાસીઓ અને યુઝર્સ અત્યંત ઓછી કિંમતમાં પોતાનું મેડિકલ ચેકઅપ સરળતાથી કરાવી શકે છે.
ઈન્ડિયન રેલવેની વધુ એક પહેલ
યાત્રીઓને આપી સસ્તી મેડિકલ ચેકઅપની સુવિધા
યાત્રીઓ મેડિકલ ચેકઅપ સરળતાથી કરાવી શકે છે
રેલવેએ પ્રવાસીઓને માત્ર 60 રૂપિયામાં જ રેલવે પ્લેટફોર્મ પર હેલ્થ ચેકઅપની સુવિધા પૂરી પાડી છે. સામાન્ય રીતે આપણે કોઈપણ કંપનીની પાણીની બોટલ લઈએ તો તેની કિંમત 20 રૂપિયા હોય છે, એ જ રીતે સ્ટેશન પર મુસાફરો મોટી સંખ્યામાં પાણીની બોટલો ખરીદતા હોય છે અને હવે એટલી સામાન્ય કિંમતમાં મુસાફરોને આટલી મોટી સુવિધા મળી રહી છે. સ્ટેશન પર રહેલી મશીનની મદદથી પ્રવાસીને તેમના મેડિકલ સંબંધિત 16 પ્રકારના રિપોર્ટ પ્રાપ્ત થાય છે. રેલવેએ આ હેલ્થ એટીએમને 'ન્યૂ ઇનોવેટિવ એન્ડ આઇડિયા સ્કીમ' હેઠળ સેટઅપ કર્યું છે, જેથી નોન ફેર રેવન્યૂ જનરેટ કરી શકાય.
સેકન્ડોમાં મળી જાય છે હેલ્થ ચેકઅપનો રિપોર્ટ
એક રેલવે પ્રવાસીએ જણાવ્યું છે કે મને હેલ્થ એટીએમની મદદથી માત્ર કેટલીક સેકન્ડમાં જ મારો મેડિકલ રિપોર્ટ મળી ગયો હતો. તેમણે વધુમાં જણાવ્યું કે કેટલીક સેકન્ડમાં જ મશીનથી તેમને એક પ્રિન્ટેડ સ્લિપ મળે છે, જેમાં મેડિકલ જાણકારી હોય છે. આ પ્રિન્ટેડ સ્લિપની મદદથી બ્લડ પ્રેશર અને બ્લડ શુગરના રિપોર્ટ મળી જાય છે. બોડીમાં પ્રોટીનની ઊણપ હોય તો તેનો પણ રિપોર્ટ પ્રાપ્ત થાય છે. પ્રવાસીના માસ ઇન્ડેક્સ અને હાઇડ્રોજન લેવલ અંગેનો રિપોર્ટ પણ મળે છે. રેલવે પ્રવાસીને આ જાણકારી માત્ર 60 રૂપિયામાં જ મળે છે.