નેશનલ / 'ફ્લાઈટમાં પોર્ન દેખાડ્યું પછી શરીરને અડવા લાગ્યો', હવાઈ સફરમાં મહિલા સાથે મોટો કાંડ

કોલકાતાથી અબુ ધાબી જતી એતિહાદની ફ્લાઈટમાં બોસ્ટન જઈ રહેલી એક મહિલાએ જિંદાલ સ્ટીલ્સના વરિષ્ઠ અધિકારી દિનેશ કુમાર સરોગી પર અનેક ગંભીર આરોપો લગાવ્યા છે. મહિલાએ કહ્યું છે કે મુસાફરી દરમિયાન તેણે તેને પોર્ન ક્લિપ બતાવવાનો પ્રયાસ કર્યો હતો. પછી તેની છેડતી કરી હતી. મહિલાએ સોશિયલ મીડિયા પ્લેટફોર્મ 'X' પર તેની આપવીતી શેર કરી હતી. તેણીએ પોસ્ટમાં મહિલાએ જ્યારે ઉડાન દરમિયાન આ ઘટનાની જાણ કરી ત્યારે એરલાઇન સ્ટાફની મદદ માટે આભાર વ્યક્ત કર્યો.

મહિલાએ આરોપ લગાવ્યો હતો કે જિંદાલ સ્ટીલના ડિવિઝન વલ્કન ગ્રીન સ્ટીલના સીઈઓ દિનેશ સરોગીએ તેને પ્રવાસ દરમિયાન પોર્ન ફિલ્મ બતાવી હતી. પછી તેની છેડતી કરી છે.

મહિલા લખે છે, “હું એક ઉદ્યોગપતિની બાજુમાં બેઠી હતી. તેમની ઉંમર 65 વર્ષની આસપાસ હશે. તેણે મને કહ્યું તે હવે ઓમાનમાં રહે છે, પરંતુ અવારનવાર ભારત આવે છે. તેણે મારી સાથે વાત કરવાનું શરૂ કર્યું. મારા પરિવાર વગેરે વિશે પૂછ્યું. તેણે જણાવ્યું કે તેના બંને પુત્રો લગ્ન કરીને અમેરિકામાં સ્થાયી થયા છે. વાર્તાલાપ મારા શોખ તરફ આવી ગયો. તેણે પૂછ્યું શું મને ફિલ્મો જોવી ગમે છે અને મેં હા પાડી. આ પછી તેણે મને કહ્યું કે તેના ફોનમાં કેટલીક મૂવી ક્લિપ્સ છે. તેનો ફોન અને ઇયરફોન કાઢી લે છે અને મને પોર્ન બતાવવાનું શરૂ કરે છે!”

તેણી આગળ લખે છે, "તેમણે મને સ્પર્શ કરવાનું શરૂ કર્યું. હું આઘાત અને ડર અનુભવી રહી હતી. આખરે હું વોશરૂમમાં દોડી ગઇ અને એર સ્ટાફને ફરિયાદ કરી. સદનસીબે એતિહાદની ટીમ ખૂબ જ સક્રિય હતી અને તાત્કાલિક પગલાં લીધાં. સ્ટાફે તેમની બેસવાની જગ્યા પર મને બેસાડી અને મને ચા અને ફળો આપ્યા."

નવીન જિંદાલનું આશ્વાસન

જિંદાલ સ્ટીલના ચેરમેન નવીન જિંદાલે મહિલાને આશ્વાસન આપ્યું છે કે આ મામલાની વહેલી તકે તપાસ કરવામાં આવશે અને અધિકારી સામે કડક કાર્યવાહી કરવામાં આવશે. નવીન જિંદાલે લખ્યું, "સંપર્ક કરવા અને આ ઘટના અંગે બોલવા બદલ તમારો આભાર! તમે જે કર્યું તે કરવા માટે ઘણી હિંમતની જરૂર પડે છે. હું તમને જણાવવા માંગુ છું કે આવી બાબતો માટે અમારી પાસે ઝીરો ટોલરન્સ છે. ટીમને આ મામલાની તાત્કાલિક તપાસ કરવા જણાવ્યું છે અને પછી કડક અને જરૂરી કાર્યવાહી કરવામાં આવશે."

મહિલાએ ફરિયાદ નોંધાવી ન હતી

મહિલાએ વધુમાં આરોપ લગાવ્યો કે સરાવગીએ એયરલાઇન સ્ટાફને સીટ પરથી ઉઠ્યા પછી તેના ઠેકાણા વિશે પૂછ્યું હતું. તેણીએ કહ્યું, "કર્મચારીઓએ અબુ ધાબીમાં પોલીસને પણ જાણ કરી, જેઓ વિમાનના દરવાજા ખોલતાની સાથે જ રાહ જોઈ રહ્યા હતા. હું ફરિયાદ નોંધાવી શકી નહીં કારણ કે હું બોસ્ટન જવા માટે મારી કનેક્ટિંગ ફ્લાઇટ ચૂકી ગઈ હોત. તેઓ મને આગલા ગેટ પર લઈ ગયા. જેથી એ મારી પાસે ન આવી શકે. જ્યારે પોલીસે તેને પ્રશ્નો પૂછ્યા ત્યારે તેણે તેનો ઇનકાર કર્યો ન હતો.

વધું વાંચોઃ કચ્છની પાકિસ્તાન સરહદે બે જવાન શહીદ, પેટ્રોલિંગ દરમિયાન થઇ ડિહાઇડ્રેશનની અસર

'ધ પ્રિન્ટ'ના અહેવાલ મુજબ સરાવગી અને મહિલા બંને બિઝનેસ ક્લાસમાં મુસાફરી કરી રહ્યા હતા. મહિલાએ જણાવ્યું કે પ્લેન રાત્રે 9:30 વાગ્યે ટેકઓફ થયું હતું અને સવારે 4:30 વાગ્યે લેન્ડ થયું હતું. એરલાઇનના ક્રૂએ તેને તેમની એક સીટ પર બેસાડ્યા બાદ આ ઘટના અંગે અબુ ધાબી પોલીસને જાણ કરી દીધી હતી. મહિલાએ કહ્યું, "જ્યારે અમે ઉતર્યા ત્યારે બે પોલીસ અધિકારીઓ અમારી રાહ જોઈ રહ્યા હતા. તેમાંથી એકે મારી સાથે વાત કરી. હું ફરિયાદ નોંધાવવા તેમની સાથે ન જઈ શકી કારણ કે મારી પાસે બોસ્ટન જતી ફ્લાઈટમાં સવાર થવા માટે માત્ર એક કલાકનો સમય હતો. આ વ્યક્તિને પ્લેનમાંથી ઉતરવાની મંજૂરી આપવામાં આવી ન હતી અને પોલીસ દ્વારા તેની પૂછપરછ કરવામાં આવી હતી.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ