ગુજરાતમાં કેટલી હવે દારુબંધી છે તેનો પુરાવો આપતો વધુ એક વીડિયો છોટાઉદેપુરમાં સામે આવ્યો છે. જ્યાં ગુજરાતના ભાવિને ભવિષ્યના પાઠ ભણાવવાની જેને જવાબદારી આપી છે તે જ દારૂના નશામાં ચૂર થઈને ક્લાસરૂમમાં આરામ ફરમાવી રહ્યો છે.
નશામાં ધૂત શિક્ષક ચાલુ શાળાએ જ ઘોર નિંદ્રામાં
બોડેલી કઠ માંડવા પ્રાથમિક શાળાનો છે આ વીડિયો
દારૂ પીધેલ હોવાની શિક્ષકે કરી કબૂલાત
બોડેલી કઠ માંડવા પ્રાથમિક શાળાનો આ વીડિયો છે. જેમાં દારૂના નશામાં ચૂર એક શિક્ષક ચાલુ શાળાએ ઘોર નિંદ્રામાં ઉંઘી રહ્યો છે. જ્યારે બાળકો તેની બાજુમાં ભણતરના પાઠ ભણી રહ્યા છે. જોકે શિક્ષકની આ કરતૂતનો કોઈએ વીડિયો ઉતારી સોશિયલ મીડિયામાં અપલોડ કરતા સમગ્ર ઘટના સામે આવી છે.
ત્યારે આ વીડિયો સામે આવતા જ અનેક સવાલો પણ ઉઠી રહ્યા છે કે શું આવી રીતે ગુજરાતના ભાવિને ભણતરના પાઠ ભણાવવામાં આવે છે ? શું આવા દારૂડીયા શિક્ષકો બાળકોને શિક્ષણ આપી રહ્યા છે?
કેમ શાળાના સંચાલકો દ્વારા શિક્ષક સામે કડક કાર્યવાહી કરવામાં ન આવી? ક્યાં ગયા રાજ્ય સરકારના દારૂબંધીના કાયદા? શું આવી રીતે ગુજરાતમાં દારૂબંધીનું અમલિકરણ થાય છે? આવા અનેક સવાલો ઉઠી રહ્યા છે. કારણ કે, આજે પ્રશ્ન રાજ્યના ભાવિનો છે.