હોનારત / તાપી નદીમાં એક જ પરિવારના 13 લોકો ભરેલી હોડી પલટી, 1 બાળકીનું મોત

• તાપી નદીમાં હોડી પલટી
• ભીંતખુર્દ ગામે બની ઘટના
• હોડીમાં સવાર હતા 13 લોકો

આ સાથે અન્ય 6 જેટલા લોકોને સલામત રીતે બહાર કાઢી લેવામાં આવ્યા છે અને અન્ય 5 જેટલા લોકોની હજુ પણ શોધખોળ યથાવત છે, ઘટનાને પગલે ઉચ્ચ પોલીસ અધિકારીના કાફલા સહિત વહીવટી તંત્ર અને સ્થાનિક ધારાસભ્ય પણ ઘટના સ્થળે પોહચી ગયા હતા. 

ધુળેટીના પર્વને પગલે પરિવાર નદીમાં ફરવા નીકળ્યો હતો

ધુળેટીના પર્વને પગલે તાપી જિલ્લાના ઉચ્છલ તાલુકાના સુંદરપુરા ગામના એકજ પરિવારના 13 જેટલા સબંધીઓ તાપી નદીમાં હોડી લઈ ફરવા માટે ગયા હતા, તેઓ તાપી નદીમાં નાની હોડીમાં બેસી નીકળ્યા હતા,ત્યારે બપોરના અરસામાં ભારે પવન ને કારણે વણઝારી ફુગારામાં હોડી પલટી જતા 13 જેટલા લોકો ડૂબી ગયા હતા. 

એક જ પરિવારના 13 લોકો ડૂબ્યા

જે પેકી 6 જેટલા લોકોને સ્થાનિક તરવૈયાએ બચાવી લીધા હતા, 13 પૈકી 5 વર્ષની એલીશા નામની બાળકી અને રાજેશ કોકણી નામના ઈસમનો મૃતદેહ મળી આવતા પરિવારમાં ગમગીનીનો માહોલ સર્જાયો હતો. જ્યારે અન્ય 5 જેટલા લોકોની શોધખોળ સ્થાનિક તરવૈયા અને ફાયરના જવાનો કરી રહ્યા છે, ઘટનાની જાણ સ્થાનિક પોલીસ અને આસપાસ ના ગામ ના લોકો ને થતા ઘટના સ્થળે પહોંચી બચાવની કામગીરી શરૂ કરી છે, ઘટનાને પગલે સમગ્ર વિસ્તારમાં ગમગીનીનો સર્જાયો છે.