BREAKING / બિહાર: પટનામાં ગેરકાયદેસર ખનન કરી રેતી લઈ જતી હોડી નદીમાં ડૂબી ગઈ, 15 મુસાફરો ગુમ

• બિહારના પટનામાંથી મોટી દુર્ઘટના સામે આવી
• રેતી ખનનમાફિયાઓની હોડી નદીમાં ડૂબી
• 15 લોકો ગુમ થયા, શોધખોળ ચાલું

પટનાના મનેર સંગમની પાસે ગંગા નદીમાં રેતી ભરેલી એક નાવ ડૂબી જવાની ઘટના સામે આવી છે. આ ઘટના બાદ 10થી વધારે લોકો ગુમ હોવાનું કહેવાય છે. દુર્ઘટના બાદ લોકોમાં હડકંપ મચી ગયો છે. ઘટના વિશે કહેવાય છે કે, મનેરના હલ્દી છપરા સંગમ ઘાટ પર ગેરકાયદેસર રેતી ખનન કરીને હોડી પહલેજા ઘાટ જઈ રહી હતી. આ દરમિયાન અચાનક ભારે હવાના કારણે હોડી પાણીમાં ડૂબી ગઈ. કહેવાય છે કે, હોડી પર 15 લોકો સવાર હતા.આ હોડી વૈશાલી જિલ્લાના ગોવિંદપુર ગામની છે. 

મનેરના અધિકારીએ આ મામલાની પુષ્ટિ કરી છે. ઘટનાની જાણ થતાં જ હડકંપ મચી ગયો હતો. હોડી ડૂબવાના સમાચાર મળતા સ્થાનિક લોકોએ તુરંત પ્રશાસનને સૂચના આપી હતી. સૂચના મળ્યા બાદ પોલીસના ટોપ અધિકારીઓ તપાસમાં અને શોધખોળ કરવા લાગ્યા હતા. કહેવાય છે કે, હોડી પર 15 લોકો સવાર હતા. આ દરમિયાન તમામ લોકો નદીમાં ડૂબી જવાથી ગુમ થયા છે. કોઈ પણ શખ્સની હજુ સુધી ભાળ મળી નથી. પ્રાપ્ત વિગતો અનુસાર જોઈએ તો, મનેરના સુઅર મરવા દિયારા પર ગેરકાયદેસર રેતી ખનન બાદ હોડી વેચાણ માટે પહલેજા જઈ રહી હતી. ભારે પવનના કારણે ગંગા નદીમાં રેતી ભરેલી હોડી સાથે નાવિકો પણ ડૂબી ગયા હતા.