રાજ્યમાં શરૂ થતી બોર્ડની પરીક્ષા માટે વિદ્યાર્થીઓએ રવિવારે આખરી ઘડીની તૈયારી કરી. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSHEB) દ્વારા લેવાતી પરીક્ષામાં સેકંડરી બોર્ડના 11 લાખ વિદ્યાર્થીઓ પરીક્ષા આપશે જ્યારે હાયર સેકન્ડરી બોર્ડના 6.11 લાખ વિદ્યાર્થીઓ પરીક્ષા આપશે.
રાજ્યના શિક્ષણમંત્રી ભુપેદ્રસિંહ ચુડાસમાએ બોર્ડની પરીક્ષા આપનારા પરીક્ષાર્થીઓને ફૂલ આપીને પરીક્ષાની શુભેચ્છા પાઠવી છે. બાળકોને ઉજ્જવળ ભવિષ્યના આશીર્વાદ પાઠવતા તેમણે કહ્યુ કે કોઇપણ પ્રકારના તણાવ વિના પરીક્ષાર્થીઓને પરીક્ષા આપવા સૂચન કર્યુ હતું.
આ બોર્ડની પરીક્ષામાં રાજ્યમાં 17 14 979 જેટલા વિદ્યાર્થીઓ પરીક્ષા આપશે.જેમાં ધોરણ 10ના 11 03 674 વિદ્યાર્થીઓ પરીક્ષામાં બેસશે. ધોરણ 12 વિજ્ઞાન પ્રવાહના 1 34 671 વિદ્યાર્થીઓ અને ધોરણ 12 સામાન્ય પ્રવાહના 4 76 434 વિદ્યાર્થીઓ પરીક્ષા આપશે.
રાજ્યમાં કુલ 1548 પરીક્ષા કેન્દ્રો અને 60 337 જેટલા બ્લોક ઉપર પરીક્ષા લેવામાં આવશે. શિક્ષણમંત્રીની જણાવ્યા પ્રમાણે ”દરેક પરીક્ષા કેંદ્રોમાં CCTV કેમેરા લગાવાયા છે. સાથે દરેક ક્લાસમાં ટેબલેટ પણ લગાવાશે જેથી પરીક્ષાખંડમાં થતી ગતિવિધિઓ પર નજર રાખી શકાય. આ તમામ ગતિવિધિઓનું મોનિટરિંગ ગાંધીનગરમાં થશે.”
SSCની પરીક્ષા 23 માર્ચ સુધી ચાલશે. HSC બોર્ડની પરીક્ષા 28 માર્ચ સુધી ચાલશે. ધોરણ 10ના વિદ્યાર્થીઓને આજે પ્રથમ ભાષાનું પેપર રહેશે. જ્યારે ધોરણ 12 સાયન્સનું પ્રથમ પેપર ફિસિક્સનું અને ધોરણ 12 સામાન્ય પ્રવાહનું અકાઉન્ટનું પેપર લેવાશે.
અમદાવાદમાં કુલ 1 14 240 વિદ્યાર્થીઓ પરીક્ષા આપશે જેમાં ધોરણ 12ના સામાન્ય પ્રવાહના 32 970 વિદ્યાર્થીઓ વિજ્ઞાન પ્રવાહના 11 880 વિદ્યાર્થીઓ પરીક્ષા આપશે ત્યારે SSCના કુલ 69 390 વિદ્યાર્થીઓ પરીક્ષા આપશે. અમદાવાદમાં ધો. 12ના સામાન્ય પ્રવાહ માટે 5 ઝોન 31 કેન્દ્ર અને 117 પરીક્ષા સ્થળ છે જ્યારે ધો. 12ના વિજ્ઞાન પ્રવાહ માટે 11 કેન્દ્ર અને 46 પરીક્ષા સ્થળ છે. SSC માટે 7 ઝોન 39 કેન્દ્ર અને 239 પરીક્ષા સ્થળ છે. આ બોર્ડની પરીક્ષાને લઇને તમામ કેન્દ્રો પર ચુસ્ત પોલીસ બંદોબસ્ત કરવામાં આવ્યો છે.
રાજકોટમાં કુલ 1 36 133 વિદ્યાર્થીઓ પરીક્ષા આપે. રાજકોટના કુંભાજી પડધરી અને જસદણના પરીક્ષા કેન્દ્રોને સંવદેનશીલ જાહેર કરતા તે તમામ કેન્દ્રો પર ચુસ્ત પોલીસ બંદોબસ્ત કરવામાં આવ્યો છે. રાજકોટના ધો. 12ના સામાન્ય પ્રવાહના 49 572 જ્યારે વિજ્ઞાન પ્રવાહના 18 734 વિદ્યાર્થીઓ પરીક્ષા આપશે. જ્યારે SSCના 67828 વિદ્યાર્થીઓ પરીક્ષા આપશે.
આજથી રાજ્યમાં ધોરણ 10 અને 12ની બોર્ડ પરીક્ષાનો પ્રારંભ થઇ રહ્યો છે ત્યારે સુરત શહેરમાં 1 63 499 વિદ્યાર્થીઓ બોર્ડની પરીક્ષા આપશે. જેમાં ધોરણ 10માં 95 136 વિદ્યાર્થીઓ ધોરણ 12 સામાન્ય પ્રવાહમાં 43 959 વિદ્યાર્થીઓ અને ધોરણ 12 વિજ્ઞાન પ્રવાહમાં 24354 વિદ્યાર્થીઓ પરીક્ષા આપશે.