અભિનેતા સોનુ સૂદ ન માત્ર લોકોની મદદ કરી રહ્યો છે પરંતુ કેટલાક સંવેદનશીલ મુદ્દાઓ પર પણ ખુલીને પોતાની વાત પણ કહી રહ્યો છે. ત્યારે વિદ્યાર્થીઓના હિતમાં સોનુએ સરકારને કરી અપીલ.
બોર્ડની પરીક્ષા ન થવી જોઇએ
કોરોનાના વધતાં કેસો વચ્ચે બોર્ડ પરીક્ષાઓને રદ કરવાની માંગ
વિદ્યાર્થીઓના હિતમાં સોનુએ સરકારને કરી અપીલ
તમને જણાવી દઈએ કે, બોર્ડ પરીક્ષાઓને રદ કરવાની માંગને લઇને દેશમાં અનેક વિદ્યાર્થીઓ વિરોધ પ્રદર્શન કરી રહ્યાં છે. કોરોનાના વધતાં કેસો વચ્ચે માંગ કરવામાં આવી રહી છે કે પરીક્ષાઓને રદ કરવામાં આવે અથવા તો અન્ય કોઈમાધ્યમથી પરીક્ષા લેવામાં આવે.
I request everyone to support students who are forced to appear for offline board exams in these tough times. With the number of cases rising to 145k a day I feel there should be an internal assessment method to promote them rather than risking so many lives. #cancelboardexam2021pic.twitter.com/Taq38B0811
સોનુ સૂદે સોશિયલ મીડિયા પર એક વીડિયો શેર કર્યો છે. અભિનેતાએ વિદ્યાર્થીઓના સમર્થનમાં વીડિયો જારી કરતા જણાવ્યું કે વધી રહેલાં કેસોને જોતાં પરીક્ષાઓ ના થવી જોઇએ. વીડિયોમાં અભિનેતા કહે છે કે જ્યારે બીજા દેશોમાં કોરોનાના કેસો વધી રહ્યાં હતા, તો ત્યાં પરીક્ષાઓ રદ કરવામાં આવી હતી, પરંતુ હવે જ્યારે દેશમાં લાખો કેસ નોંધાઈ રહ્યાં છે, ત્યારે વિદ્યાર્થીઓને પરીક્ષા આપવા માટે કહેવામાં આવી રહ્યું છે. આ ન્યાય નથી. મારા મતે કોઈ એવી વ્યવસ્થા ઉભી થવી જોઇએ, જ્યાં વિદ્યાર્થીઓને આવા મુશ્કેલ સમયમાં પરીક્ષા ના આપવી પડે અને ઈન્ટર્નલ રીતે પરીક્ષા થઈ જાય.
સોનુનો આ વીડિયો સોશિયલ મીડિયા પર વાયરલ થઇ ગયો છે. જ્યારે અનેક વિદ્યાર્થીઓ પરીક્ષા રદ કરવાની માંગ કરી રહ્યા છે, ત્યારે સોનુનો આ વીડિયો વિદ્યાર્થીઓમાં જુસ્સો વધારી શકે છે. આ ઉપરાંત આ વીડિયો દ્વારા સરકાર પર પણ પ્રેશર બની શકે છે, કારણ કે સોનુએ તેના કામ દ્વારા એવી ઇમેજ ઉભી કરી છે કે તેના દરેક નિવેદનને ગંભીરતાથી લેવામાં આવે છે.
અગાઉ પણ સોનુ સુદે અનેક વખતે વિદ્યાર્થીઓનું સમર્થન કર્યું છે. જ્યારે દેશમાં કોરોનાની પહેલી લહર હતી, ત્યારે પણ અભિનેતાએ પરીક્ષા રદ કરવાની માંગ કરી હતી. ત્યારે પણ સોનુની મુહિમે વિદ્યાર્થીઓની ખૂબ જ મદદ કરી હતી. એવામાં ફરી એક વખત સોનુ પાસેથી જરૂર કરતા વધારે અપેક્ષા છે.