BMWએ ભારતમાં લોન્ચ કર્યુ પોતાનું નવુ બાઇક જાણો કિંમત અને ફિચર્સ

BMWએ ભારતમાં પોતાનું નવુ બાઇક HP4 RACE લોન્ચ કર્યુ છે. કંપનીએ આ બાઇકને ખાસ કરીને ટ્રેક રેસિંગના ચાહકો માટે તૈયાર કર્યુ છે. જેમાં કાર્બન ફાઇબરનો ઉપયોગ કરવામાં આવ્યો છે. 

આ બાઇકમાં શ્રેષ્ઠ બ્રેક્સ સસ્પેંશન અને ઇલેક્ટ્રોનિક્સ ભાગોનો સમાવેશ કરવામાં આવ્યો છે. તમને જણાવી દઇયે કે આ બાઇક નોર્મલ રોડ પર સવારી માટે માન્ય નથી. 



કિંમતની વાત કરીયે તો કંપનીએ ભારતમાં આ બાઇકની એક્સ શોરૂમ કિંમત રૂપિયા 85 લાખ રાખી છે. ખાસ વાત તમને જણાવીયે તો. BMW HP4 RACE ફક્ત એક જ રંગમાં ઉપલબ્ધ રહેશે અને વિશ્વભરમાં ફક્ત 750 યુનિટ વેચવામાં આવશે.

આ રેસિંગ બાઇકમાં 999ccનું એન્જિન છે જે 215 હોર્સપાવર પેદા કરે છે. આ એન્જિન 10 000 RPM પર 120 ન્યૂટન મીટર ટોર્ક પેદા કરે છે. આ ઉપરાંત બાઇકનું એન્જિન 6 સ્પીડ ટ્રાન્સમિશનથી સજ્જ છે. તેની ટોપની ઝડપ 330 kmph છે.



આ બાઇક એટલી હલકી છે કે તેનો ઉપયોગ સુપરબાઇક વર્લ્ડ ચેમ્પિયનશિપમાં પણ થઇ શકે છે. આ બાઇકમાં Pirelli Diablo Superbike Slick SC2 ટાયર આપવામાં આવ્યા છે. 

જ્યારે તેના વ્હીલ્સ કાર્બન ફાઇબરથી બનેલા છે જેથી બાઇકનુ વજન પૂરતા પ્રમાણમાં રાખવામાં મદદ મળી છે. આ બાઇકના મોડેલનું વજન 208 કિલો છે પરંતુ રેસિંગ એડિશનનું વજન ઘટીને 171 કિલો થઇ ગયું છે.