મહિલા બસ ડ્રાઈવરોને પ્રેરણા આપવા, ઉત્સાહિત કરવા માટે BMTCનાં વહીવટી નિયામક સી શિખાએ એવું કહ્યું કે સોશિયલ મીડિયા પર તેમનાં વખાણ થઈ રહ્યાં છે. જાણો એવું તો શું કર્યું કે આ મહિલા IASનાં વખાણ થઈ રહ્યાં છે.
BMTCનાં વહીવટી નિયામક સી શિખાએ એક વોલ્વો બસ ચલાવી બતાવી
તેમણે મહિલા ડ્રાઈવરોને પ્રેરણા આપવા માટે આમ કર્યું છે
ડ્રાઈવિંગ સ્કૂલ કેમ્પર્સમાં બસ ચલાવી
આ કામમાં ભાગ્યે જ મહિલાઓ જોવા મળે છે
આપણાં દેશમાં મહિલાઓ માટે તમામ ક્ષેત્રોમાં તક છે. એ પછી વિમાન ઉડાડવાની વાત હોય કે પછી સેનામાં ભરતીની કે મહિલાઓ તે તમામ ફિલ્ડમાં જઈ રહી છે જે વિશે એક સમયે કલ્પના કરવી પણ મુશ્કેલ હતી. જોકે હજું પણ કેટલાંક કામો એવા છે જેમાં ભાગ્યે જ મહિલાઓ જોવા મળે છે. અથવા જોવા પણ મળે તો તે એક અપવાદ હોય છે. એવું જ એક કામ બસ ડ્રાઈવર તરીકેનું કામ છે.
બેંગ્લોરમાં મેટ્રોપોલિટન ટ્રાન્સપોર્ટ કોર્પોરેશનમાં 14 હજારથી વધારે ડ્રાઈવર છે પરંતુ મહિલા ડ્રાઈવરની સંખ્યા માત્ર 1 છે. જેને પગલે મહિલા ડ્રાઈવરોને પ્રેરણા આપવા માટે BMTCનાં વહીવટી નિયામક સી શિખાએ એક વોલ્વો ચલાવીને બતાવી હતી.
સોશિયલ મીડિયામાં IAS સી શિખાનાં થઈ રહ્યાં છે વખાણ
એક જાણીતા અખબારનાં જણાવ્યાંનું સાર આ પહેલી ઘટના છે જેમાં એક IAS ઓફિસરે આ પ્રકારનો નિર્ણય કર્યો છે. આ સમાચાર જેવા સોશિયલ મીડિયા યુઝર્સ પાસે પહોંચ્યાં તો સી શિખાનાં મન ભરીને વખાણ થવા લાગ્યાં. જો કે એક તરફ લોકો BMTCનાં નિયામકનાં વખાણ કરી રહ્યાં હતાં ત્યારે બીજી તરફ લોકો સવાલ કરી રહ્યાં હતાં કે શિખા પાસે ડ્રાઈવિંગ લાઈસન્સ છે?
આ કારણસર તેમને હેવી વ્હિકલ ડ્રાઈવિંગ લાઈસન્સની જરુર નહોતી
આ અંગે નિયામકે એક અખબારને જણાવ્યું હતું કે તે એક ડ્રાઈવિંગ સ્કુલનાં કેંપર્સમાં ગાડી ચલાવી રહ્યાં હતાં. જ્યાં લાઈસન્સની જરુર રહેતી નથી. એ બાદ કેટલાંય લોકો નિયામક શિખાનાં સમર્થનમાં આવ્યાં.