અનોખી પહેલ / 1 મિનીટમાં 200 લોકોનું થર્મલ સ્ક્રિનીંગ કરે છે આ હેલ્મેટ, મુંબઇના કન્ટેન્ટમેન્ટ ઝોનમાં કામ શરૂ

• કોરોનાને હરાવવા મિશન ઝીરો
• ભારતીય જૈન સંઘે 4 હેલ્મેટ કર્યો ડોનેટ
• 1 મિનીટમાં કરે છે 200 લોકોનું સ્ક્રિનીંગ

આ સ્પેશિયલ હેમલેટથી ઓછા સમયમાં વધારે સ્ક્રીનિંગ શક્ય બન્યું છે. તેની મદદથી 1 મિનિટમાં 200 લોકોનું થર્મલ સ્ક્રીનિંગ કરી શકાય છે. સ્ક્રીનિંગની મદદથી કોઈ પણ વ્યક્તિના શરીરનું તાપમાન સામાન્ય તાપમાનથી વધારે છે કે નહિ તે જાણી શકાય છે

કેવી રીતે કરે છે કામ 

આ હેલમેટ એકસાથે ઘણા લોકોના ડેટા ભેગા કરે છે. તેને સ્માર્ટવોચ સાથે જોડેલું છે. હેલમેટમાં આવેલા કેમેરા સામે જ્યારે કોઈ જોવે છે ત્યારે તેના શરીરના ટેમ્પરેચરનો ડેટા સ્માર્ટવોચમાં આવી જાય છે. 1 સેકન્ડમાં 13-14 લોકોનું સ્ક્રીનિંગ કરી શકાય તેટલી ઝડપ છે.

ભારતીય જૈન સંઘે BMCને 4 સ્માર્ટ હેલ્મેટ ડોનેટ કર્યા છે. સમગ્ર મુંબઇમાં તેનો ઉપયોગ કરવામાં આવી રહ્યો છે. આ હેલ્મેટનો મુખ્ય ઉદ્દેશ્ય કોરોનાના કેસને ઝીરો કરવાનો છે. ભારતીય જૈન સંઘ BMC સાથે મળીને મિશન ઝીરો ચલાવી રહ્યું છે. 

કન્ટેન્મેન્ટ ઝોનમાં ઉપયોગ
હાલ માટે સ્માર્ટ હેલમેટનો ઉપયોગ કન્ટેન્મેન્ટ ઝોનમાં જ કરવામાં આવી રહ્યો છે, જેથી વધારેમાં વધારે કેસને ઓળખીને મિશન ઝીરોના લક્ષ્ય સુધી પહોંચી શકાય.