અરે રે! / સોનુ સૂદ વિરુદ્ધ મુંબઇમાં નોંધાયો કેસ, મદદ કરનારા એક્ટરે એવું શું કર્યું કે નોંધાઇ ફરિયાદ ? 

• સોનુ સૂદ વિરુદ્ધ નોંધાઇ ફરિયાદ 
• બીએમસીએ દાખલ કરી ફરિયાદ 
• અનધિકૃત બાંધકામ સામે પડ્યો વાંધો 

બીએમસીએ પોલીસમાં નોંધાવેલ ફરિયાદમાં કહ્યું કે, સોનૂ સુદ વિરુદ્ધ મહારાષ્ટ્ર રિઝન એન્ડ ટાઉન પ્લાનિંગ એક્ટ હેઠળ એક્શન લેવામાં આવે. કોઇ બિલ્ડિંગનો હિસ્સો વધારવા, બદલાવ કરવા અને ઉપયોગ કરવાનો આરોપ લગાવ્યો છે. આ મામલે સોનૂએ પણ પ્રતિક્રિયા આપતા કહ્યું કે, તેણે પહેલા જ બીએમસી પાસેથી યુઝર ચેન્જ માટેની પરમિશન લીધી હતી. હવે મહારાષ્ટ્ર કોસ્ટલ ઝોન મેનેજમેન્ટ ઓથોરિટી પાસેથી મંજૂરી મળવાની રાહ જોવે છે. 

બીએમસીએ 4 જાન્યુઆરીએ જૂહુ પોલિસ સ્ટેશનમાં ફરિયાદ નોંધાવી હતી અને તેમાં કહેવામાં આવ્યું કે, એબી નાયર રોડ પર સ્થિત શક્તિ સાગર બિલ્ડીંગ રહેણાક બિલ્ડીંગ છે અને તેનો કમર્શિયલ ઉદેશ્યથી ઉપયોગ ન થવો જોઇએ પરંતુ તેમાં બદલાવ કરવામાં આવ્યા છે. તેમણે ઓથોરિટી પાસેથી પરમિશન પણ નથી લીધી. 

માત્ર આટલુ જ નહી બીએમસીએ કહ્યું છે કે સોનૂએ નોટિસને ઇગ્નોર કરી છે. સિવિક ઓથોરિટીએ કહ્યું કે નોટિસ આપ્યા બાદ પણ તે અનધિકૃત બાંધકામ કરાવતા રહ્યાં હતા. બીએમસીએ કહ્યું કે આરોપીને મહારાષ્ટ્ર રિઝન એન્ડ ટાઉન પ્લાનિંગ એક્ટ હેઠળ દંડ આપવો જોઇએ. અમે આગ્રહ કરીએ છીએ કે આરોપી વિરુદ્ધ કાર્યવાહી કરવામાં આવે. સોનૂએ પોતે મુંબઇ સિવિલ કોર્ટમાં અરજી દાખલ કરી હતી. 

બીએમસીનું કહેવું છે કે કોર્ટે આપેલ 3 અઠવાડિયાનો સમય વિતી ચૂક્યો છે અને તેમણે અનધિકૃત બાંધકામ કર્યુ છે તો તેને ન તો હટાવ્યું છે ન તે પોતાના નિર્ણયથી પાછા હટ્યા છે.