OMG / જે બૉલીવુડ કલાકારનું મંદિર બન્યું તેને BMCએ કહ્યો રીઢો ગુનેગાર, હંમેશા નિયમો તોડવાનો આરોપ

• BMCએ સોનૂ સુદને ગણાવ્યો રીઢો ગુનેગાર
• ગેરકાયદેસર બાંધકામ કરાવીને આચર્યો ગુનો
• સોનુ સૂદે હાઇ કોર્ટમાં કરી છે અરજી

બીએમસીએ મંગળવારે દાખેલ કરાવેલ એફિડેવિટમાં કહેવામાં આવ્યું હતું કે સોનૂ સૂદે જુહૂ સ્થિત રહેણાંક બિલ્ડિીંગને હોટલમાં ફેરવવાનો ગુનો કર્યો છે અને હવે આ ગુનો છુપાવવાનો પ્રયત્ન કરી રહ્યાં છે. 

બીએમસીએ પોતાની નોટિસમાં કહ્યું હતું કે, સોનુએ 6 માળની ઇમારત શક્તિ સાગરના ઢાંટામાં બદલાવ કર્યો છે અને તેને કમર્શિયલ હોટલમાં બદલી દેવામાં આવી છે. નોટિસ વિરુદ્ધ સોનુએ ઓક્ટોબરમાં હાઇકોર્ટમાં અરજી કરી હતી. બીએમસીએ નોટિસમાં કહ્યું હતું કે, અપીલ કરનાર શખ્સ વારંવાર ગુના કરવા માટે ટેવાયેલો છે. તે અનધિકૃત નિર્માણ કરીને નાણાકીય લાભ લેવા માંગે છે. હવે તેણે ફરી એકવાર ગેરકાયદેસર બાંધકામ કરવાનું શરૂ કર્યુ છે. અપીલ કરનાર શખ્સ પાસે લાયસન્સ ડિપાર્ટમેન્ટ પાસેથી કોઇ જ પરમિશન લીધી નથી. 

બીએમસીએ કહ્યું કે સોનૂ સૂદ તે ગેરકાયદેસર કમર્શિયલ હોટલ નિર્માણના બચાવનો પ્રયત્ન કરી રહ્યો છે. જેને બિલ્ડિંગ પ્લાન વિરુદ્ધ તૈયાર કરવામાં આવ્યો છે. એફિડેવિટમાં કહેવામાં આવ્યું છે કે, અપીલ કરનાર શખ્સને પ્રોપર્ટી યુઝ ચેન્જ કરવાની અનુમતી લીધી નથી. 

બાળકની કરી મદદ

જ્યારથી કોરોનાને કારણે લોકડાઉન થયું છે ત્યારથી સોનુ સૂદ પ્રવાસી મજૂરો સહિત અનેક જરૂરિયાતમંદોની મદદ કરી તેમનો મસીહા બની ગયો છે. તે સતત લોકોની મદદ કરી રહ્યો છે. કોરોના મહામારી દરમિયાન મુશ્કેલીમાં મૂકાયેલા લોકોની મદદ કરીને સોનુએ માનવતાનું ઉદાહરણ પૂરું પાડ્યું છે. સોશિયલ મીડિયાના માધ્યમથી પણ લોકો સોનુ પાસે મદદ માગતા રહે છે. તો કેટલાક ફેન્સ અને સોશિયલ મીડિયા યૂઝર્સ સોનુ સામે વિચિત્ર ડિમાન્ડ પણ કરતા રહે છે. ત્યારે હાલમાં જ એક 6 વર્ષનું બાળક પહેલાં માળેથી પડી ગયું તો સોનુએ તેની મદદનો હાથ આગળ કર્યો અને હવે બાળક ખતરાથી બહાર છે.

A 6 year old fell from 1st floor.
Parents went to @sonusood
Now the boy is safe.
Who’s says “he’s no messiah”
He’s the only Messiah.#SonuSoodRealHero #SonuSood #CinePeek pic.twitter.com/b4WHPEyCsl

— Cine Peek (@CinePeek) January 9, 2021

સોનુ સૂદને સોશિયલ મીડિયા પર મસીહા ગણાવ્યો

ટ્વિટર પર લોકો અવારનવાર પોતાની પરેશાની અને મુશ્કેલીમાં સોનુ સૂદ પાસે મદદ માંગતા હોય છે. ત્યારે હાલમાં જ ટ્વિટર પર એક યુઝરે આ બાળક સાથે આવી ઘટના બની હોવાની જાણકારી આપી. તેણે જણાવ્યું કે, આ બાળકના ઈલાજ માટે સોનુ સૂદે મદદ કરી અને હવે બાળક એકદમ ઠીક છે. યુઝરે લખ્યું-6 વર્ષનું બાળક પહેલાં માળેથી પડી ગયો હતો. તેના પેરેન્ટ્સ સોનુ સૂદ પાસે ગયા. હવે એ બાળક સુરક્ષિત છે. કોણ કહે છે કે સોનુ સૂદ મસીહા નથી. એ જ એક મસીહા છે. યુઝરે બાળકની સાથે તેના પેરેન્ટ્સની તસવીરો પણ શેર કરી છે. 

સોનુ ગયા વર્ષથી લોકોને મદદ કરી રહ્યો છે

સોનુ સૂદે કોરોના મહામારી ફેલાયા પછી લોકોને મદદ કરવાનું શરૂ કર્યું. સૌથી પહેલાં તેણે પોતાની 6 માળની હોટલને ક્વોરન્ટાઈન સેન્ટરમાં ફેરવી દીધી હતી. એ પછી તેણે લોકડાઉનમાં ફસાયેલા પ્રવાસી મજૂરોને ઘરે પહોંચાડવામાં મદદ કરી. સાથે જ રોજગાર અપાવવાથી લઈને ઈલાજ કરાવવા સુધીના નેક કામ કરીને સોનુ સતત મદદ કરી રહ્યો છે. 

જોકે, તમને જણાવી દઈએ કે, હાલમાં BMCએ એક 6 માળની રેસિડેન્શિયલ બિલ્ડિંગને હોટલમાં રૂપાંતરિત કરવાના આક્ષેપમાં સોનુ વિરુદ્ધ જુહૂ પોલીસ સ્ટેશનમાં ફરિયાદ કરી છે. BMC તરફથી કરવામાં આવેલી ફરિયાદમાં કહેવામાં આવ્યું છે કે સોનુ સૂદે મુંબઈમાં એ બી નાયર રોડ સ્થિત શક્તિ સાગર બિલ્ડિંગને પરમિશન વગર હોટલ બનાવી દીધી છે. શક્તિ સાગર એક રેસિડેન્શિયલ બિલ્ડિંગ છે અને તેનો કમર્શિયલ ઉપયોગ કરી શકાય નહીં.