કેન્સરને કારણે દુનિયાભરમાં લાખો લોકોની મોત થાય છે. આ બીમારીથી લડવા માટે ડોક્ટરોને એક નવી આશા દેખાઈ છે. ચીનના શોધકર્તાઓએ દાવો કર્યો છે કે, કેન્સરના લક્ષણ દેખાવાના વર્ષો પહેલાં જ એક બ્લડ ટેસ્ટથી તેને ડિટેક્ટ કરી શકાય છે. જો આવું સંભવ થયું તો આ ભયંકર બીમારીથી માણસનો જીવ બચાવવો ચિકિત્સકો માટે ઘણું જ સરળ થઈ જશે.
ચાર વર્ષ પાંચ પ્રકારના કેન્સરને ડિટેક્ટ કરી શકાય છે
આ બ્લડ ટેસ્ટથી 95 ટકા લોકોમાં કેન્સરનું નિદાન થઈ શકે છે
ચીનના શોધકર્તાઓનું કહેવું છે કે, PanSeer નામનો આ બ્લડ ટેસ્ટ 95 ટકા લોકોમાં કેન્સરનું નિદાન કરી શકે છે, જેમનામાં પહેલાં ક્યારેય આ લક્ષણો જોવા મળ્યા નથી. શોધકર્તાઓનું કહે છે, અમે એ સાબિત કર્યું છે કે, બ્લડ ટેસ્ટના આધારે ડીએનએન મિથાઈલેશનનો ઉપયોગ કરીને પરંપરાગત નિદાનના ચાર વર્ષ પહેલાં જ કેન્સરના પાંચ પ્રકારો શોધી શકાય છે.
ચીની શોધકર્તાઓનો આ અભ્યાસ 'નેચરલ કમ્યુનિકેશન' જર્નલમાં પ્રકાશિત થયો છે. બ્લડ ટેસ્ટ દ્વારા કેન્સરનું નિદાન કરતી આવી રિપોર્ટ પહેલીવાર સામે આવી છે. ટીમે કહ્યું કે, આ સંશોધન એકદમ રસપ્રદ હતું, કારણ કે તેમાં અમને જોવા મળ્યું છે કે દર્દીઓમાં લક્ષણો દેખાય તે પહેલાં જ કેન્સરનું નિદાન થઈ શકે છે. આવા દાવા કેટલાક અભ્યાસમાં અગાઉ કરવામાં આવી ચૂક્યા છે.
શોધકર્તાઓ જણાવ્યું કે, કઈ રીતે આ ટેસ્ટ મિથાઈલ ગ્રુપ માટે બ્લડ પ્લાઝ્મામાં મળી આવતા ડીએનએનું સ્ક્રીનિંગ કરીને કેન્સરનું નિદાન કરી શકે છે. ટીમે કહ્યું કે આ તકનીકનો ઉપયોગ કરવાથી તેઓ ડીએનએના ખૂબ નાના સ્તરે પહોંચવામાં મદદ કરી છે. ત્યારબાદ તેમણે તેના મૂળ સુધી પહોંચવા માટે મશીન લર્નિંગ અલ્ગોરિધમનો ઉપયોગ કર્યો, એટલે કે એક પ્રકારની આર્ટિફિશિયલ ઈન્ટેલિજન્સ તકનીક.
આ ટેસ્ટના વિકાસ માટે, ચીની શોધકર્તાઓએ બ્લડ પ્લાઝ્માના સેમ્પલ 2007 અને 2014ની વચ્ચે એકત્રિત કર્યા. જે લોકોના લોહીના પ્લાઝ્માના સેમ્પલ લેવામાં આવ્યા હતા તેમાંથી 414 લોકો લગભગ પાંચ વર્ષ સુધી કેન્સર મુક્ત રહ્યા હતા. જ્યારે 191 લોકો ચાર વર્ષમાં પેટ, કોલેક્ટ્રોલ, લીવર, ફેફસા અને અન્નનળીના કેન્સરથી પીડિત હોવાનું જાણવા મળ્યું છે.