27 જુલાઇની રાતે આકાશમાં ચાંદનો નજારો કંઇક અલગ જ જોવા મળશે. આ દિવસે રાત્રે 21મી સદીનું સૌથી લાંબુ અને પૂર્ણ ચંદ્ર ગ્રહણ લાગનાર છે. આ ચંદ્ર ગ્રહણને વૈજ્ઞાનિકે 'બ્લડ મૂન'નું નામ આપ્યું છે. આ ચંદ્ર ગ્રહણ 1 કલાક અને 43 મિનીટ સુધી ચાલશે જે ગત 31 જાન્યુઆરીએ લાગેલા 'સુપર બ્લૂ બ્લડ મૂન'વી સરખામણીએ લગભગ 40 મિનીટ લાંબુ હશે.
એનો નજારો ભારતની સાથે સાથે યૂરોપ ઓસ્ટ્રેલિયા દક્ષિણ એમેરિકા આફ્રીકા અને પશ્વિમ એશિયામાં સ્પષ્ટ જોવા મળશે. જાણકારી પ્રમાણએ ચંદ્ર ગ્રહણ બ્રિટેનના સમયના હિસાબથી 9.22 મિનીટ પર તેજીથી ચમકશે.
શું હોય છે બ્લડ મૂન
પૂર્ણ ચંદ્ર ગ્રહણ દરમિયાન સૂર્ય અને ચંદ્રની વચ્ચે જ્યારે પૃથ્વી હાજર હોય છે ત્યારે વાયુમંડળથી પસાર થતાં થોડીક રોશની ચંદ્ર પર પડે છે. સૂર્યની રોશની ચાંદ પર પડવાથી એ થોડો લાલ થઇ જાય છે. એવામાં જ્યારે ચાંદ પૃથ્વીની પાછળ પહોંચે છે એનો રંગ વધારે ગાઢ થઇ જાય છે.
તાંબાના રંગ જેવો દેખાશે ચાંદ
ચંદ્ર ગ્રહણ હોવા છતાં આ વખત ચંદ્ર કાળો નહીં પરંતુ તાંબાના રંગ જેવો નારંગી અથવા ગાઢ લાલ જોવા મળશે. આવું એટલા માટે કારણ કે સૂર્ય અને ચંદ્રની વચ્ચેમાં પૃથ્વી આવી જાય છે જેના કારણથી ચંદ્ર પર પૂરો પ્રકાશ પહોંચી શકતો નથી.