Blinkit એપથી ઓર્ડર કરીને મંગાવેલ બ્રેડનાં પેકેટમાંથી જીવતો ઉંદર મળ્યાં બાદ યૂઝરે ફોટોઝ શેર કર્યાં. કહ્યું કે ડિલીવરીનાં સમય સુધી ઉંદર જીવિત હતો.
Blinkitથી ઓર્ડર કરેલ બ્રેડમાંથી મળ્યો જીવતો ઉંદર
ગ્રાહકે ટ્વિટર પર શેર કર્યો ફોટો-વીડિયો
Blinkit આવી તાત્કાલિક એક્શન મોડમાં
ગ્રોસરી ડિલીવરી પ્લેટફોર્મ Blinkitનાં એક યૂઝર દ્વારા ઓર્ડર કરવામાં આવેલા બ્રેડનાં પેકેટમાં ઉંદર મળ્યાની ફરિયાદ બાદ પાર્ટનર સ્ટોરની સામે કડક કાર્યવાહી કરવામાં આવી છે. આ અંતર્ગત બ્લિંકિટે પોતાની એપથી સ્ટોરને ડી-લિસ્ટ કરી દીધેલ છે. ગ્રાહકે નિતિન અરોડાને સોશિયલ મીડિયા પર બ્રેડનાં પેકેટની અંદર ફરી રહેલાં ઉંદરનો ફોટો શેર કરીને કંપની પર સવાલો ઊઠાવ્યાં હતાં.
નિતિન અરોડાએ ટ્વિટર પર શેર કર્યો પોતાનો અનુભવ
નિતિન અરોડાએ બ્લિંકિટ એપથી 1 ફેબ્રુઆરીનાં રોજ બ્રેડનો ઓર્ડર પ્લેસ કર્યો હતો. જ્યાં પેકેટની અંદર તેમને જીવિત ઉંદર મળી આવ્યો હતો. આ બાદ અરોડાએ પોતાના આવા ભયાનક અનુભવને ટ્વિટર પર વીડિયો અને ફોટોની સાથે પોસ્ટ કર્યું. વીડિયોમાં ઉંદર પેકેટની અંદર ફરતો દેખાઈ રહ્યો છે. તેમણે લખ્યું કે જો 10 મીનિટની ડિલીવરીમાં આવો સામાન મળે છએ તો તેવો સામાન લેવાની જગ્યાએ હું કેટલાક કલાકો રાહ જોવાનું પસંદ કરીશ.
વીડિયો:
Most unpleasant experience with @letsblinkit , where alive rat was delivered inside the bread packet ordered on 1.2.23. This is alarming for all of us. If 10 minutes delivery has such baggage, @blinkitcares I would rather wait for a few hours than take such items.#blinkit#zomatopic.twitter.com/RHNOj6tswA
બ્લિંકિટે માગી માફી
કંપનીએ નિતિનનાં ટ્વિટનો જવાબ આપતાં કહ્યું કે હેલો નિતિન, જે અનુભવનો સામનો તમને કરવો પડ્યો છે તેના માટે અમને દુ:ખ છે. કંપનીએ નિતિનથી પોતાનો ફોનનંબર અને ઓર્ડરની માહિતી શેર કરવા કહ્યું જેથી તે આગળ પૂછપરછ શરૂ કરી શકે.
બ્લિંકિટનાં કસ્ટમર ડિલાઈટનાં પ્રમુખની પ્રતિક્રિયા
બ્લિંકિટનાં કસ્ટમર ડિલાઈટનાં પ્રમુખ ધનંજય શશિધરને આ ઘટના પર એક્શન લેતાં પાર્ટનર સ્ટોરને ડી-લિસ્ટ કરી નાખ્યું. તેમણે લખ્યું કે તમને આશ્વાસન આપવા ઈચ્છું છું કે અમે તાત્કાલિક કાર્યવાહી કરીને પાર્ટનર સ્ટોરને ડી-લિસ્ટ કરી દીધેલ છે. અમે સ્ટોરનાં માલિક સાથે તપાસ કરી રહ્યાં છીએ. અમે તમામ સ્ટોરમાં સ્વચ્છતા માટે ઉચ્ચ ધોરણો છે. અને આ ઘટનાની સાથએ જ અમે સ્ટોર નેટવર્ક પર ઑડિટની આવૃતિને વધારી દીધેલ છે.