મુંબઇમાં 20 વર્ષના એક શખ્સને સગીરાને આંખ મારવી ભારે પડી હતી.
આંખ મારવી યૌન ઉત્પીડન ગણવામાં આવશે
શખ્સને થઇ એક વર્ષની સજા
ફ્લાઇંગ કિસ પણ યૌન ઉત્પીડન
તેને એક વર્ષની સજા થઇ અને આ સજા પ્રોટેક્શન ઓફ ચિલ્ડ્રન ફોર સેક્સ્યુઅલ ઓફેન્સ એક્ટ હેઠળ સંભળાવવામાં આવી.
29 ફેબ્રુઆરીના રોજ એક 14 વર્ષની છોકરીએ પોતાની માતાને કહ્યું કે એક શખ્સે તેને આંખ મારી અને ઘણી વાર ફ્લાઇંગ કિસ પણ કરી હતી. છોકરીના ઘરના લોકોએ એલટી માર્ગ પોલીસ સ્ટેશનમાં યૌન ઉત્પિડનની ફરિયાદ નોંધાવી હતી. પોલીસે તાત્કાલિક કાર્યવાહી કરતા તે શખ્સ વિરુદ્ધ ફરિયાદ નોંધી હતી.
ધરપકડ કરાયેલા શખ્સે ટ્રાયલ દરમિયાન કહ્યું કે, સગીરાની માતાએ શખ્સ સાથે વાત કરવાની એટલે ના પાડી હતી કારણકે તે બંને અલગ અલગ સમુદાયના હતા. સાથે તેણે આરોપ લગાવ્યો કે તેને ખોટો ફસાવવામાં આવ્યો છે કારણકે તેના અને સગીરાના એક સંબંધી વચ્ચે શરત લાગી હતી.
ટ્રાયલ દરમિયાન છોકરી તેની મા અને તપાસ અધિકારી વચ્ચે વાત થઇ હતી. કોર્ટે આ ત્રણના નિવેદનને દોષીનો અપરાધ સાબિત કરવા માટે પર્યાપ્ત માન્યો હતો. કોર્ટે કહ્યું કે અભિયોજન યૌન ઉત્પિડનનો અપરાધ સાબિત થાય છે. કોર્ટે દોષીને એક વર્ષની સજા સંભળાવી હતી અને કહ્યું કે આંખ મારવી અને ફ્લાઇંગ કિસ આપવી તે સેક્સ્યુઅલ ઇશારો છે માટે તે ઉત્પિડન થયુ કહેવાય.