ચેતજો / ભરૂચ: CNG કારમાં ગેસ રિફીલિંગ કરતાં સમયે ગાડીમાંથી ઉતરવાનું રાખજો, નહીંતર છોતરાં નીકળી જશે, જુઓ વીડિયો

• ભરૂચની નર્મદા ચોકડી નજીક કારમાં બ્લાસ્ટ
• ગેસ રિફીલિંગ દરમ્યાન કારમાં બ્લાસ્ટ થયો
• CNG પંપ પર કારમાં બ્લાસ્ટ થયો

પેટ્રોલ-ડીઝલના વધી રહેલા ભાવના કારણે લોકો હવે CNG કાર તરફ વળી રહ્યાં છે ત્યારે એક ચોંકાવનારો કિસ્સો ભરૂચમાં બન્યો છે.  નર્મદા ચોકડી નજીક કારમાં બ્લાસ્ટ થતાં અફરાતફરી મચી હતી CNG પંપ પર ગેસ રિફિલિંગ દરમિયાન કારમાં મોટો ધડાકો થયો હતો. બ્લાસ્ટ થતાંની સાથે જ પેટ્રોલ પંપ પર દોડાદોડ મચી હતી.  ગેસ રિફીલિંગ દરમિયાન કાર પાસે કોઈ ન હોવાથી સદનસીબે મોટી દુર્ઘટના ટળી હતી.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

ગત રાત્રે 12 વાગ્યા આસપાસ બની હતી ઘટના
સુરતના હરિકૃષ્ણ એપાર્ટમેન્ટમાં રહેતા નરેન્દ્ર  ખાતરા નામનો કોન્ટ્રાકટર  સુરતથી વડોદરા તરફ કામકાજ અર્થે રાત્રે જવા નીકળ્યા હતા. જે દરમિયાન પોતાની હોન્ડા જાઝ  કારમાં ગેસ ભરાવવા રાત્રે 12 વાગ્યાની આસપાસ ભરૂચની નર્મદા ચોકડી ઉપર આવેલા ગુજરાત ગેસના CNG સ્ટેશન ઉપર ગયા હતા. પણ ત્યાં અચાનક જ  ગેસ રિફીલિંગ દરમિયાન કોઈ કારણસર મોટો ધડાકો થયો હતો. ધડાકો એટલો પ્રચંડ હતો કે કારના કુરચેકૂરચા ઉડી ગયા હતા.

કાર સવાર ગાડીમાં ઉતરી થોડો દૂર ઊભો હતો
કારમાં CNG ભરાઈ રહ્યો હતો તે સમયે જ એકાએક ટેન્ક ફાટ્યો હતો જે દરમિયાન  ગેસ રિફીલિંગના નિયમ મુજબ ચાલક નરેન્દ્ર  ખાતરા કારમાંથી ઉતરી થોડા દૂર ઊભા હતા. તો પેટ્રોલ પંપનો રિફીલિંગ કરતો સ્ટાફ ગાડીમાં ગેસની પાઈપ ભરાવી સાઈડમાં ઊભો હતો. આથી સદનસીબે મોટો બ્લાસ્ટ થવા છતાં પણ કોઈ જાનહાની થઈ ન હતી, પ્રત્યક્ષ દર્શીના જણાવ્યા અનુસાર બ્લાસ્ટનો અવાજ દૂર સુધી સંભળાયો હતો. ટેન્ક ફાટવાથી CNG સ્ટેશનના 50 ફૂટ ઊંચા સિલિંગના પણ છોતરા નીકળી ગયા હતા તો કારની હાલત તો કબાડખાને મોકલે તેવી થઈ હતી હતી બીજી તરફ રાત્રિનો સમય હોવાથી પંપ પર અન્ય વાહનો પણ ઓછા હોવાના કારણે મોટી દુર્ઘટના ટળી હતી.

ગેસ રિફીલિંગ વખતે આ વસ્તુની ખાસ ધ્યાન રાખો

• ગેસ રિફીલિંગ વખતે કારમાં બેઠેલા તમામ લોકો ઉતરવાનો આગ્રહ રાખો
• ગાડીમાં જ્યારે પણ ગેસ પૂરાતો હોય ત્યારે ગાડીથી 50 મીટર જેટલા દૂર ઊભા રહ્યો
• સમયે સમયે CNGની સર્વિસ કરાવતા રહો
• CNG કીટનું લાયસન્સ પૂરું થઈ ગયું હોય તો ચેક કરી રિન્યૂ કરાવો
• પેટ્રોલ પંપ પર હાજર કર્મચારીની સુચનાને ન અવગણો