અફઘાનિસ્તાનના પૂર્વમાં આવેલા નંગરહાર પ્રાંતના સ્પિન ઘર વિસ્તારમાં શુક્રવારની નમાજ દરમિયાન એક મસ્જિદમાં જોરદાર વિસ્ફોટ થયો હતો.
અફઘાનિસ્તાનના નંગરહાર પ્રાંતમાં બ્લાસ્ટ
3 લોકોના મોત, 12થી વધુ ઈજાગ્રસ્ત
નમાઝ દરમિયાન અચાનક થયો બ્લાસ્ટ
વિસ્ફોટમાં સ્થાનિક મૌલવી સહિત ઓછામાં ઓછા 12 લોકો ઘાયલ થયા છે. આ ઘટનામાં ઘણા લોકોના મોત થયા હોવાના અહેવાલ છે. સ્થાનિક રહીશોએ આ અંગે માહિતી આપી છે.
નમાઝ દરમિયાન અચાનક થયો બ્લાસ્ટ
આ વિસ્તારના એક વ્યક્તિ અટલ શિનવારીએ જણાવ્યું કે વિસ્ફોટ સ્થાનિક સમય અનુસાર સવારે 1.30 વાગ્યે થયો હતો. આ દરમિયાન મસ્જિદની અંદર રાખવામાં આવેલ બોમ્બ અચાનક વિસ્ફોટ થયો હતો. અન્ય એક રહેવાસીએ પણ આવી જ માહિતી આપી હતી.
Blast reported in mosque in Nangarhar Province, Afghanistan. At least 12 wounded: Reuters
તે જ સમયે, તાલિબાનના એક અધિકારીએ સમાચાર એજન્સી એએફપીને હુમલાની પુષ્ટિ કરી છે. અફઘાનિસ્તાનના અશાંત નાંગરહાર પ્રાંતની એક મસ્જિદમાં શુક્રવારે થયેલા વિસ્ફોટમાં ઘણા લોકો માર્યા ગયા અને ઘાયલ થયા, એમ તાલિબાનના એક અધિકારીએ જણાવ્યું હતું. અધિકારીએ જણાવ્યું કે, સ્પિન ઘર જિલ્લાની એક મસ્જિદમાં શુક્રવારની નમાજ દરમિયાન થયેલા વિસ્ફોટની પુષ્ટિ થઈ છે. આ હુમલામાં ઘણા લોકોના મોત થયા હોવાના અહેવાલ છે અને ઘણા લોકો ઘાયલ પણ થયા છે. તાજેતરના દિવસોમાં અફઘાનિસ્તાનમાં અનેક હુમલા થયા છે. આ હુમલા પાછળ ઈસ્લામિક સ્ટેટનો હાથ છે.
#Breaking: Atleast 15 people have been injured in Another deadly blast that took place during Friday prayers in a mosque in Spin Ghar district of #Nangarhar.
આપને જણાવી દઇએ કે, આ પહેલા અફઘાનિસ્તાનની રાજધાની કાબુલની એક હોસ્પિટલની સામે નાગરિકોને નિશાન બનાવીને મંગળવારે બોમ્બ બ્લાસ્ટ કર્યો હતો. તાલિબાનના નાયબ પ્રવક્તા બિલાલ કરીમીએ એસોસિએટેડ પ્રેસને જણાવ્યું કે, કાબૂલમાં સરદાર મહોમ્મદ દાઉદ ખાન સૈન્ય હોસ્પિટલ બહાર નાગરિકોને નિશાન બનાવીને બ્લાસ્ટ કરવામાં આવ્યો હતો. આ હુમલામાં 25 લોકોના મોત થયાં હતા. જ્યારે 50 લોકો ઘાયલ થયાં છે.