અફઘાનિસ્તાનની રાજધાની કાબૂલમાં એક મસ્જિદની બહાર થયેલા મોટા વિસ્ફોટમાં ઘણા લોકોના મોત થયા હોવાની ખબર છે.
અફઘાનિસ્તાનની રાજધાની કાબૂલમાં મસ્જિદની બહાર મોટો બ્લાસ્ટ
ઘણા લોકો માર્યા ગયા હોવાની ખબર
તાલિબાની નેતાની માતાની શોકસભા ચાલી રહી હતી
અફઘાનિસ્તાનમાં તાલિબાની રાજ બાદ દુશ્મનોએ માથુ ઉચક્યું છે. એક પછી એક તાલિબાની લડાકૂઓને નિશાન બનાવાઈ રહ્યાં છે. કાબુલની બીજી મોટી મસ્જિદ ઈદગાહમાં થયેલા બોંબ વિસ્ફોટમાં ઘણા લોકોના મોત થયા હતા, હજુ સુધી કોઈ આતંકી સંગઠને હુમલાની જવાબદારી સ્વીકારી નથી.
તાલિબાની નેતાની માતાની શોકસભા નજીક બ્લાસ્ટ, ઘણા લોકોના મોત
ઈદગાહ મસ્જિદની બહાર તાલિબાની પ્રવક્તા જબીહુલ્લા મુજાહિદની માતાની શોકસભાનું આયોજન કરાઈ રહ્યું હતું જેમાં મોટી સંખ્યામાં તાલિબાની ભેગા થયા હતા. સામાન્ય લોકોની પણ મોટી ભીડ થઈ હતી. ત્યારે દરવાજા પાસે મોટો બોંબ વિસ્ફોટ થયો હતો જેમાં ઘણા લોકોના મોત થયા હતા. મૃતકોની સંખ્યા હજુ સુધી સ્પસ્ટ નથી.
Blast kills several civilians near Kabul mosque: AFP News Agency quoting Taliban
તાલિબાની પ્રવક્તા મુજાહિદે બ્લાસ્ટની પુષ્ટિ કરતા જણાવ્યું કે ઈદગાહ મસ્જિદની બહાર વિસ્ફોટ થયો હતો. તેમણે કહ્યું કે મારી માતાના નિધનને પગલે શોકસભા રખાઈ હતી તમામ લોકોને આમંત્રિત કરાયા હતા. ત્યારે વિસ્ફોટ થયો હતો.
ઇસ્લામિક સ્ટેટનો હાથ?
માનવામાં આવે છે કે આ હુમલાઓ પાછળ ઇસ્લામિક સ્ટેટ જવાબદાર હોઈ શકે છે. દેશમાં તાલિબાનના આગમન બાદ ઇસ્લામિક સ્ટેટના હુમલાઓ તીવ્ર બન્યા છે. ગયા મહિને પણ જલાલાબાદને નિશાન બનાવવામાં આવ્યું હતું જેમાં લગભગ 4 લોકો માર્યા ગયા હતા. જોકે, તાલિબાન સરકાર ઇસ્લામિક સ્ટેટને મોટો ખતરો નથી માનતી.