જમ્મુ-કશ્મીરઃ સાંબા જિલ્લાનાં સીમાવર્તી મંગુ ચકમાં પ્રશિક્ષણ દરમ્યાન ગ્રેનેડ ફાટવાંથી બીએસએફનાં એક સહાયક કમાન્ડેટનું મોત અને અન્ય ચાર અધિકારીઓ પણ ઘાયલ થઇ ગયા છે. આ ઘટના બીએસએફની 173મી વાહિનીની પોસ્ટ પર થઇ છે.
ઘાયલોને જમ્મુ સ્થિત સૈન્ય હોસ્પિટલમાં ભરતી કરવામાં આવેલ છે. રક્ષાસૂત્રો દ્વારા મળેલી જાણકારી મુજબ સોમવારનાં રોજ સાંજનાં અંદાજે 5:20એ મંગુ ચક પોસ્ટ પર તે સમયે એક ગ્રેનેડ ફાટી ગયો કે જ્યારે પ્રશિક્ષણ સેશન ચાલી રહ્યું હતું.
આ ઘટનામાં સહાયક કમાન્ડેટ જબ્બર સિંહનું મોત થઇ ગયું કે જ્યારે જી બ્રાન્ચનાં ઇન્સપેક્ટર અજીત રાજ અને ઇન્સ્પેક્ટર વી. નાયડુ સહિત બે અન્ય સબ ઇન્સ્પેક્ટરો પણ ઘાયલ થયાં છે. તેઓને તુરંત જમ્મુ સ્થિત સૈન્ય હોસ્પિટલ લઇ જવામાં આવેલ છે. સમાચાર લખાયા ત્યાં સુધી બે અન્ય ઘાયલોનાં નામો વિશે પણ જાણકારી નથી મળી રહી.