BIG BREAKING / પશ્ચિમ બંગાળમાં TMC નેતાના ઘરે બૉમ્બ બ્લાસ્ટ, 3નાં મોત, 2ની હાલત ગંભીર

• કોંગ્રેસના બૂથ અધ્યક્ષના ઘરે વિસ્ફોટ
• ઘટનામાં 3 લોકોના મોત થયા હતા
• વિસ્ફોટના લીધે ઘર ધરાસાયી થયું

પશ્ચિમ બંગાળના પૂર્વ મેદિનીપુર જિલ્લાના અર્જુન નગરમાં તૃણમૂલ TMCના બૂથ અધ્યક્ષ રાજકુમાર મન્નાના ઘરે શુક્રવારે મોડી રાત્રે વિસ્ફોટ થયો હતો. આ ઘટનામાં ત્રણ લોકોના મોત થયા છે, જ્યારે બે લોકો ગંભીર રીતે ઘાયલ થયા છે. વિસ્ફોટ એટલો જોરદાર હતો કે આખું ઘર ધરાશાયી થઈ ગયું. અકસ્માતની જાણ થતાં પહોંચેલી પોલીસે ત્રણેય મૃતદેહોનો કબજો મેળવીને પોસ્ટમોર્ટમ માટે મોકલી આપ્યો હતો, જ્યારે ગંભીર રીતે ઘવાયેલા બંને લોકોને હોસ્પિટલમાં દાખલ કરવામાં આવ્યા હતા. પોલીસ ઘટનાની તપાસમાં લાગેલી છે.

Blast at the residence of TMC booth president in Purba Medinipur | Two bodies recovered from the spot & they are yet to be identified: OC (Officer-in-Charge) Bhupati Nagar Kajal Datta

— ANI (@ANI) December 3, 2022

ઘરમાં વિસ્ફોટ થયો
તમને જણાવી દઈએ કે, આજે પૂર્વ મેદિનીપુર જિલ્લાના કાંઠીમાં TMCના રાષ્ટ્રીય મહાસચિવ અભિષેક બેનર્જીની બેઠક છે. બેઠક પહેલા શુક્રવારે મોડી રાત્રે બૂથ પ્રમુખ રાજકુમાર મન્નાના ઘરમાં વિસ્ફોટ થયો હતો. આ અકસ્માતમાં બૂથ પ્રમુખ રાજકુમાર મન્ના સહિત ત્રણ લોકોના મોત થયા છે, જ્યારે બે ગંભીર રીતે ઘાયલ થયા છે. વિસ્ફોટનો અવાજ સાંભળીને આસપાસના લોકો ઘટના સ્થળે પહોંચી ગયા હતા. લોકોએ આ અંગે ભૂપતિનગર પોલીસ સ્ટેશનને જાણ કરી હતી.

પોલીસે અકસ્માતની તપાસ હાથ ધરી છે
માહિતી મળતા જ પોલીસ ઘટના સ્થળે પહોંચી હતી. પોલીસે જણાવ્યું કે આ ઘટનામાં ત્રણ લોકોના મોત થયા છે, પરંતુ અન્ય બે ગંભીર રીતે ઘાયલ થયા છે. આ ઘટના શુક્રવારે રાત્રે લગભગ 10.30 વાગ્યે પોલીસ સ્ટેશન વિસ્તારના અર્જુન નગર ગ્રામ પંચાયતના નરાયબિલા ગામમાં બની હતી. માર્યા ગયેલા લોકોમાં રાજકુમાર મન્ના, તેના ભાઈ દેવકુમાર મન્ના અને વિશ્વજીત ગાયનનો સમાવેશ થાય છે. રાજકુમાર મન્ના વિસ્તારના તૃણમૂલ કોંગ્રેસના અધ્યક્ષ તરીકે જાણીતા હતા. તૃણમૂલ નેતાના ભાઈ દેવકુમાર ગાયન છે. અકસ્માતની તપાસ કરવામાં આવી રહી છે.